Connect with us

Maqedoni

Qytetarët “ndryshojnë” etninë për t’u punësuar, Qeveria pa plan konkret për manipulimet

Published

on


Mes të drejtës Kushtetuese, diskriminimit etnik dhe manipulimit të sistemit për punësim nëpërmjet balancuesit për përfaqësim të drejtë, institucionet pajtohen që duhet të rregullohet vërtetësia e të dhënave për përkatësinë etnike të kandidatëve, gjatë aplikimeve për punë. Avokati i popullit thotë se vetëdeklarimet e rreme për përkatësinë etnike të qytetarëve gjatë konkurseve për punësim është keqpërdorim i të drejtës së tyre kushtetuese. Ai vazhdon ta shohë si diskriminues në vete edhe vetë balancuesin për përfaqësim të drejtë.

“E kam kundërshtuar dhe edhe sot e kundërshtoj se është kundërkushtetues dhe është diskriminues. Shteti ka obligim për realizim të parimit të përfaqësimit të drejtë dhe adekuat në mënyrë të mirfilltë, të hartojë rregulla jodiskriminuese dhe ta rrisë nivelin e kontrollit të atyre që i realizojnë konkurset”, tha Ixhet Memeti, Avokat i popullit.

Sipas Memetit, edhe nëse përkatësia etnike shkruhet në dokumentet e identifikimit të qytetarëve për t’u shmangur keqpërdorimet e këtilla, duhet të krijohen mekanizma që ajo të ndryshojë sipas vullnetit të vetë qytetarit.

“Kjo nuk do të thotë se ajo duhet të bëhet jashtë çdo procedure. Sigurisht se ndryshimi apo deklarimi ndryshe, nëse nuk është real, nuk është shprehje e mirëfilltë e vullnetit apo e bindjes së tij, por është për të arritur ndonjë qëllim tjetër, ndoshta ka mundësi të rregullohet në mënyrë më precize, në procedurë më konkrete që të zvogëlohet hapësira e manipulimeve ose keqpërdorimeve”, u shpreh Ixhet Memeti, Avokat i popullit.

Mbrojtja absolute nga keqpërdorimet eventuale të kësaj të drejte, sipas Memetit, është e pamundur.

“Qeveria nuk ka zgjidhje konkrete për manipulimet e këtilla të sistemit të punësimit. Eventualisht, paralajmëruan rregullimin e problemit përmes ndryshimit të ligjit për nëpunës shtetëror”.

BDI-ja nuk përgjigjet se cili është plani i saj për të mënjanuar mundësinë për vetëdeklarimet e rreme për përkatësinë etnike gjatë punësimit. Por në programin parazgjedhor ka parashikuar:

“Ndalim ligjor i mundësisë për të konkurruar për vend pune në administratë pa certifikatë për përkatësinë etnike të siguruar nga organet kompetente”, qëndron në Programin e BDI-së.

Shteti vite më parë ka humbur gjyqin në Strazburg për shkak se gjykatësit Sllavço Tasevski, i cili ka ndryshuar përkatësinë etnike në regjistrin qendror të gjyqtarëve, i është mohuar e drejta e përfaqësimit të një etnie.

Në vend ka shumë pak institucione që në regjistrat e tyre kanë të dhëna për përkatësinë etnike të qytetarëve. Kjo mundëson që në konkurset për punësim në të cilat sipas balancuesit kërkohen nëpunës shqiptarë, turq, rom etj., të paraqiten qytetarë të përkatësisë etnike maqedonase dhe duke u vetëdeklaruar ndryshe, të fitojnë të drejtën e punësimit. Ky fenomen rrit rrejshëm numrat e përfaqësimit të shqiptarëve dhe komuniteteve pakicë nëpër institucione.

Fatlume Dervishi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending