Connect with us

Maqedoni

Qeveria shqyrton mundësinë për vaksinën kineze – Alsat

Published

on

Autoritetet shëndetësore po fillojnë procedurë për të blerë vaksina kineze. Ministri i Shëndetësisë Venko Filipçe për emision “360 Gradë” në Alsat tha se po negociohet me prodhuesit kinez të vaksinave, përmes kontakteve nga ambasada kineze në vend. Sipas Filipçes, deri në fund të javës do të dihet nëse vendi do të marrë vaksinat kineze, kur dhe në çfarë sasie.

Nuk do të doja të flisja për afatet sepse do t’i dimë detajet deri në fund të javës dhe pastaj do të dalim t’i shpallim publikisht. Sidoqoftë, esenca është se është e qartë që prodhuesit që arritën të hyjnë në treg të parët, “Pfizer” për shembull, kanë probleme me kapacitetin- deklaroi Venko Filipce, Ministër i Shëndetësisë.

 Vendi nuk heq dorë nga mekanizmi “Kovaks”, megjithëse Pfizer, që ishte i pari që mori miratimin për përdorim nga Agjencia Evropiane e Barnave, nuk ka arritur t’i shpërndajë vaksinat. Dallimi është se vaksinat kineze nuk kanë miratimin e kësaj Agjencie. Pavarësisht kësaj, ministri Filipçe nuk dyshon në cilësinë e tyre.

Është mjaft e qartë edhe mënyra në të cilën vlerësohen të gjitha rezultatet e studimeve klinike, procesi i bërjes së vaksinave, konkretisht ato për të cilat po flasim, është e njohur për ekspertët tanë. Kjo është saktësisht ajo që ata kanë analizuar për pothuajse të gjitha vaksinat që janë tani në treg, kështu që nuk ka asnjë pengesë administrative dhe, natyrisht, nuk ka dyshim për cilësinë e tyre- pohoi Venko Filipçe, Ministër i Shëndetësisë.

Ndërsa presim për vaksinat, Instituti i Shëndetit Publik regjistron më pak teste dhe të infektuar me Covid – 19 në javën e mëparshme. Për një javë, janë testuar 11,000 qytetarë ndërsa prej tyre 1,700 ishin pozitiv. Mbi 5,000 qytetarë janë shëruar gjatë javës së kaluar. Kjo përqindje është më e ulët për 12 përqind krahasuar me javën e kaluar. Në një javë, 69 persona nga 23 qytete kanë vdekur. Shkalla e vdekshmërisë ka rënë për 12 përqind. Në të njëjtën kohë, më shumë se 300 pacientë që janë të infektuar ose kanë simptoma të koronavirusit trajtohen në Qendrat Covid në vend.

Igor Stefanovski


Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending