Connect with us

Maqedoni

“Peshkatarët”, Prokuroria vazhdon hetimin

Published

on


Aksioni “Peshkatari” zgjeron veprimin edhe tek “peshqit” e mëdhenj. Nga detajet e reja lidhur me operacionin e djeshëm të Policisë Financiare mësohet se në ndjekje janë edhe funksionarë publik dhe ndërmjetësuesit e tyre, të cilët kanë pasur lidhje direkte me ujdisjen e tenderëve me firmat fiktive. Drejtori i Policisë Financiare Arafat Muharremi tha se aksioni vazhdon, dhe pret nga prokuroria të hetojë përfshirjen eventuale të funksionarëve.

  “Në këtë rrjet tash për tash nuk arritëm për t’i zbuluar edhe ndërmjetësuesit se me cilët funksionarë shtetëror janë të lidhur. Mirëpo, në çdo kohë Prokurori ka qenë e informuar se për çfarë tenderësh është biseduar dhe besoj se në procesin hetimor prokurori do të marrë në pyetje edhe persona të cilët kanë qenë në pozita atëherë apo ende janë tash. Këto figura dhe skema që i shfrytëzojnë ndërmarrjet dhe institucionet shtetërore bashkë me ndërmjetësuesit do të vazhdojnë dhe ne jemi në ndjekje të tyre- deklaroi Arafat Muharremi, Drejtori i Policisë Financiare.

 Kjo drejtori ndaloi 20 persona fizik, prej të cilëve bankierë, kontabilistë dhe biznesmenë të 15 firmave, gjysma e të cilave fiktive. Gjatë transaksioneve bankare që përmes faturave fiktive kanë nënkontraktuar persona për të arritur te “keshi” iu kanë rënë në gjurmë Policia Financiare, e cila zbulon edhe skemën e vjedhjes së buxhetit. Të dyshuarit kanë ujdisur tenderët publik në periudhën 2015-2017 me Qytetin e Shkupit, Komunën e Tetovës, të Gostivarit dhe NP “Pyjet e Maqedonisë” në mënyrë që kompanitë fituese të tenderëve janë detyruar t’u japin porositësve 20% para të gatshme. Për Ministrinë e Brendshëm, hetimi duhet të fokusohet te personat që janë pjesë e institucioneve.

 “Nuk ka peshq të vegjël apo të mëdhenj, ka kriminelë apo jo kriminelë. Por, më së tepërmi duhet t’u kushtojmë vëmendje korrupsionit të lartë, atyre personave që janë të përfshirë në institucionet e sistemit dhe që praktikisht udhëheqin me këta të ashtuquajtur peshq të vegjël. Hetimi i djeshëm zbuloi firma që për 1 milion euro kanë dëmtuar buxhetin e shtetit- pohoi Oliver Spasovski, Ministër i Punëve të Brendshme.

Nga Prokuroria për Krim të Organizuar dhe Korrupsion thonë se procedura para hetimore vazhdon edhe pse mbrëmë hapi hetim për 13 prej të arrestuarve me dyshimin për veprën penale Evazion Fiskal dhe Shpërdorimi i pozitës zyrtar. Personat juridik Martoni nga Tetova dhe 3 nga Shkupi Gold, Diamond dhe Vaib Elektronik kanë bërë 96 fatura fiktive kinse iu kanë larë borxhet firmave të sajuara si Rosen, Asking, Delotronik, Alding etj, në mënyrë që prej këtyre të fundit kanë nxjerr paratë, pa arritur ti arsyetojnë me punën për çka edhe kanë marr tenderë.

Gazetar: Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending