Connect with us

Maqedoni

Partitë politike të gatshme për ndryshime në Kodin Zgjedhor

Published

on


Kryeministri Zoran Zaev shprehet i gatshëm për të nisur ndryshimet në Kodin Zgjedhor në përputhje me rekomandimet e OSBE-ODIHR-së. I pari i Qeverisë thotë se rekomandimet e institucioneve ndërkombëtare për transparencë në KSHZ, formatin e saj, mënyrën e votimit dhe rritjen e transparencës në financimin e partive politike, duhet të inkuadrohen në Kodin Zgjedhor. Zaev thotë se shumica pretendon ndryshimin e modelit zgjedhor me lista të hapura dhe lista preferenciale.

Mendoj se rekomandimet duhet përfshirë në Kodin Zgjedhor edhe atë para zgjedhjeve të ardhshme. Duhet të bisedojmë për modelin zgjedhor në zgjedhjet lokale ku jemi përcaktuar për model të hapur me lista preferenciale ku qytetarët përveç partisë politike dhe koalicionit do të kenë mundësi të zgjedhin edhe kandidatin. Uroj të gjithë të jemi pozitiv ndaj këtij hapi demokratik përpara. Me këto ndryshime i marrim pushtetin liderëve të partive dhe ia japim qytetarëve. Në rast se ka rekomandim edhe për KSHZ-së, sigurisht se do ta respektojmë”-tha Zoran Zaev, Kryeministër.

Opozita ka kërkesat e saj. VMRO-DPMNE-ja kërkon zgjedhje lokale vetëm me një raund dhe të drejtën e votës për diasporën.

Jemi të gatshëm të bisedojmë për ndryshimin e Kodit Zgjedhor. Qëndrimet tona janë të qarta dhe kemi bazë për të nisur bisedimet. Dy nga kërkesat tona bazë janë zgjedhje lokale me një raund dhe rregullimin e votimit që i jep mundësi votimi edhe diasporës”-pohoi Dimçe Arsovski, Zëdhënës i VMRO-DPMNE-së.

Opozita shqiptare kërkon që ndryshimet e Kodit Zgjedhor të bazohen në rekomandimet e OSBE-ODIHR-së me qëllim që në zgjedhjet e ardhshme të mos shkelet demokracia.

Aleanca për Shqiptarët dhe Alternativa:

“Ne edhe më herët kemi deklaruar se nevojitet ndryshimi i Kodit Zgjedhor dhe krijimi i kushteve demokratike si dhe mbrojta e votës së lirë. Zgjedhjet e fundit ishin dëshmi e mungesës së demokracisë së përkrahur e mbështetur në Kodin Zgjedhor, posaçërisht në vendbanimet shqiptare”
.

Në rekomandimet e fundit të OSBE-ODIHR-së theksohet nevoja për ndryshime në Kodin Zgjedhor në një procedurë publike dhe në konsultim të gjerë, gjithëpërfshirës në mënyrë që i njëjti të jetë i harmonizuar me ligjet e tjera dhe standardet ndërkombëtare. Në këtë raport jashtë vëmendjes nuk është lënë as Komisioni Zgjedhor. Rekomandohet që të  krijohet një përbërje dhe mandat i përhershëm i këtij komisioni, përmes procedurave të qarta dhe transparente për emërimin e anëtarëve. Të sqarohen udhëzimet ligjore për regjistrimin e votuesve. OSBE rekomandon që Komisionit Shtetëror për Parandalimin e Korrupsionit duhet t’i sigurohen burime të përshtatshme njerëzore dhe financiare për të kryer në mënyrë efikase detyrën gjatë periudhës zgjedhore.

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending