Connect with us

Maqedoni

Luboten, nxënësit ja mësynë shkollës

Published

on


Në Luboten të Shkupit nxënësit së bashku prindërit e tyre sot ia mësynë shkollës për të ndjekur mësimin me prani fizike pasi siç thonë nuk kanë kushte për mësim online. Por, ata nuk hynë në shkollë pasi drejtuesit e shkollës i paralajmëruan me pasojat që mund të përballen nga shkelja e vendimit të qeverisë.

“Këto janë nxënësit nga klasa e katërt e deri në të nëntën që mësimin e ndjekin në Shkollën fillore “ Liman Kaba” në Luboten. Në orën 8 të mëngjesit këta nxënës kanë ardhur në oborrin e shkollës që mësimin duke filluar prej sot ta ndjekin me prani fizike edhe përkundër vendimit të Ministrisë së Arsimit që nxënësit nga klasa e katërt deri në të nëntën, mësimin ta ndjekin përmes Platformës nacionale”

Paralajmërimet ishin që fëmijët sot do të hynin nëpër klasa për të ndjekur mësimin të ulur në bankat e shkollës. Diçka e tillë, siç mëson Alsat, nuk ndodhi, për shkak se drejtoresha e shkollës, e cila edhe pse thotë se kanë kushte për realizim të mësimit me prani fizike, ka informuar prindërit se fëmijët nuk mund t’i pranojë, pasi çdo shkelje e vendimeve të Qeverisë sanksionohet. Por prindërit nuk luhaten nga qëndrimi i tyre për bojkot të mësimin online.

Tre fëmijë i kam në shkollë në klasën e tetë, të shtatën dhe të katërtën. Ato kushte ne nuk i plotësojmë dot për online edhe internet është i dobët. Për hapësira ndoshta dikush po, dikush jo. As 5% e nxënësve nuk mund t’i plotësojnë ato kushte që kërkon ministrja për mësim online”-tha Jahi Rexhepi, prind.

Ne i pranojmë edhe sanksionet, vetëm e vetëm që fëmijët të na mësojnë në shkollë… Le të sjellë për secilin nxënës nga një laptop apo mjet për të mësuar në shtëpi dhe nuk është problem.”-pohoi Suan Saliu, kryetar i Këshillit të Prindërve.

Kemi vendosur, sepse nuk kemi kushte ne t’i mësojmë fëmijët. Kanë lajmëruar për sanksione, sepse duan t’i shesin kompjuterët, nuk hyjnë në detaje se a kam unë mundësi të blej kompjuter për 5 fëmijë”-pohoi Musli Muhamer, prind.

Pjesëtarë të stafit të Shkollës Fillore “ Liman Kaba”, thonë se ka nxënës që kyçen për ndjekje të mësimit online, mirëpo shtojnë se mungesa e kushteve bën që ai numër të jetë shumë i vogël. Një problem tjetër për t’u zgjidhur është edhe pajisja e mësimdhënësve me mjete punë.

“Shkolla jonë i plotëson kushtet, ndoshta jo 100%, për prezencë fizike. Edhe pse janë trajnuar arsimtarët, pajisjet në shkollë nuk janë të mjaftueshme. Kemi kërkuar nga Komuna që të ndërrojnë rrjetin e internetit. Arsimtarët do t’i pajisin me tableta, mirëpo lind pastaj problemi se si nxënësit dhe prindërit do të pajisen.”

Evi Shkopi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending