Connect with us

Maqedoni

“Pa marrëveshje me Bullgarinë, Maqedonia nuk mund të nisë negociatat me BE-në”

Published

on


Një ditë pas publikimit të raportit vjetor, Euro-komesari për zgjerim Oliver Varhelyi nga Shkupi tha se vendi përmbush kushtet për konferencën e parë ndërqeveritare, por për këtë qëllim nevojitet edhe leja e Bullgarisë. Varhely tha se pa tejkalimin e mosmarrëveshjeve mes dy vendeve, negociatat për anëtarësim nuk mund të fillojnë.

Është në interes të Bullgarisë dhe Maqedonisë së Veriut të gjejnë zgjidhje. Pa mirëkuptim në këto çështje, do të jetë shumë e vështirë të shkohet përpara. Është koha të arrihet marrëveshje. Shohim angazhim dhe jemi shumë optimistë. Nëse mund të ndihmojnë, do ta bëjmë. Nuk është e pamundur të gjendet zgjidhje, nuk do të dramatizoja shumë, por sigurisht është shumë serioze. Kemi proces negociues që është i njohur për vendin, por na duhet pajtim nga të gjitha vendet anëtare”-pohoi Oliver Varhelyi, Komisioner i BE-së për Zgjerim.

Porosi konkrete edhe për deputetët.

Pamë rritje shqetësuese të përdorimit të procedurës së shpejtë në miratimin e ligjeve. Ju inkurajoj të siguroni konsultim dhe debat demokratik, me procedura normale dhe të rregullta!”-theksoi Oliver Varheji, Komisioneri i BE-së për Zgjerim.

Kryeministri, Zaev tha se prioritetet e ekzekutivit do të harmonizohen me rekomandimet e theksuara në raportin e KE-së.

Raporti i KE-së publikohet në periudhën e reafirmimit të reformave dhe programit të Qeverisë. Ai paraqet mjet të shkëlqyeshëm për definim preciz të prioriteteve dhe planeve sektoriale në periudhën e ardhshme”-tha Zoran Zaev, Kryeministër.

Sipas raportit, vendi ka shënuar progres të pjesshëm, respektivisht mesatar në disa sfera, por pritet ende angazhim në gjyqësor, luftë kundër korrupsionit dhe në reformimin e administratës publike.

 

Anesa Salihu

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending