Connect with us

Bota

OKB synon armëpushim të përgjithshëm në botë

Published

on


Sekretari i Përgjithshëm i KB-së, Antonio Guteresh, në fjalimin e tij vjetor në Asamblenë e përgjithshme të KB-së, do të kërkojë përsëri për një armëpushim të përgjithshëm deri në fund të vitit, me qëllim që të gjitha vendet të mund të angazhohen në luftën kundër pandemisë së koronavirusit, megjithëse mediat britanike theksojnë se efekti i thirrjes së tij nuk do të jetë i madh sepse në seancë nuk do të marrin pjesë shumica e presidentëve dhe kryeministrave.

Sipas paralajmërimeve, presidenti amerikan Donald Tramp është lideri i vetëm botëror që, së bashku me Guteresh, do të drejtohen nesër personalisht në ditën e parë të sesionit të Asamblesë së përgjithshme.

Presidentët e Kinës dhe Rusisë, Si Xhinping dhe Vladimir Putin, janë ndër udhëheqësit e paktë botërorë që do të vijnë në Nju-Jork për të shënuar 75 vjetorin e themelimit të organizatës botërore me 193 anëtarë.

Rreth 170 krerë të shteteve ose qeverive do të drejtohen përmes lidhjes video.

Guteresh deklaroi se armëpushimi i përgjithshëm në të gjithë botën do të kontribuojë në përpjekjet për të parandaluar përhapjen e Kovid-19 dhe për të krijuar kushtet për një rikuperim të koordinuar, të qëndrueshëm dhe gjithëpërfshirës nga efektet e pandemisë.

Me rastin e 75 vjetorit të KB-së, Guteresh theksoi se pandemia e koronavirusit dhe problemet me ndryshimet klimatike, paligjshmëria në hapësirën kibernetike dhe ripërhapja e armëve bërthamore “konfirmojnë qartë se bota është shumë e ndjeshme”.

“Shpresa ime është që udhëheqësit sot do të jenë mjaft modestë për ta pranuar ndjeshmërinë tonë dhe për të kuptuar se kemi nevojë për unitet dhe bashkëpunim ndërkombëtar”, përfundoi Guteresh.