Connect with us

Maqedoni

Ohër, asgjë nga premtimi për spitalin mobil

Published

on


Në oborrin e spitalit përgjithshëm në Ohër, ku ishte paraparë të ngritët spitali mobil, ka vetëm bar. Hapësira as që po përgatitet për ngritjen e një spitali. Situatë e ngjashme është edhe në Strugë por edhe qytete të tjera ku u njoftua se do të ketë spitale të tilla, për të pranuar numrin në rritje të njerëzve të infektuar me virusin korona. Nga spitali i Ohrit thonë se përgatitjet janë në rrjedhe, megjithëse nuk ka asnjë aktivitet në terren.

“Unë pres që e gjithë kjo të zgjidhet deri në Vitin e Ri, por edhe nëse nuk zgjidhet kjo, spitali ka kapacitet dhe shtretër të mjaftueshëm. Ne kemi shtabin tonë të krizës në spital dhe skenarë tonin si ti dëbohen transferojmë disa pjesë të spitalit, siç ndodhi verës me repartin e kirurgjisë. Nëse edhe kjo nuk bëhet, do të duhet të zhvendosemi ose të adaptojmë reparte tjera të spitalit dhe unë mendoj se në asnjë moment qyteti nuk do të mbetet pa shtretër- deklaroi Goran Balev-drejtor i spitalit të përgjithshëm Ohër.

Nga Komuna e Ohrit thonë se sipas marrëveshjes që e kanë nënshkruar me Ministrinë e Shëndetësisë, ata duhet të bëjnë përgatitjet për rregullimin e hapësirës me anë të tamponimit dhe lidhjes së ujësjellësit, kanalizimit dhe energjisë elektrike.

 “Ne jemi në fazën e përgatitjes, duhet të përgatisim një projekt për të ditur se ku do të vendosen instalimet, e cila është gjëja më e rëndësishme për momentin, dhe të fillojmë ta rregullojmë hapësirën. Ne nuk kemi marrë një afat deri kur duhet ta mbarojmë hapësirën. Por, nga ana jonë në programet tona të zhvillimit dhe në buxhet, nuk kemi paraparë fonde të tilla. Nga Vetëqeverisja lokale për prokurime publike jemi të informuar se shkaku i situatës me Kovid 19, mund të bëjmë furnizim të vogël dhe të parashihen mjete shtesë, sepse kjo do ti kushtojë pak komunës- pohoi Tome Naneski – menaxher i sektorit për aktivitete komunale në komunën e Ohrit.

Nga spitali thonë se ata kanë mjaft mjekë dhe personel tjetër mjekësor. Një pjesë e stafit që aktualisht punon në spitalin e përgjithshëm do të shpërndahet në spitalin e montuar. Nga spitali i Strugës thonë se ata i kanë dorëzuar të gjitha dokumentet e nevojshme për vendin e propozuar në ministri, dhe presin udhëzime nga atje kur të fillojë ndërtimi.

Miki Trajkoski

 

 

 

 

 

 

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending