Connect with us

Maqedoni

Komunat  nuk mund ta paguajnë gazsjellësin

Published

on


Shumica e komunave nuk kanë para që vetë ta financojnë gazifikimin. Madje nuk dihet përafërsisht se sa do të jetë kostoja për qytetarët. Nëse nuk dakordohet një partneritet publik-privat me një kompani që do të sjellë gazin në shtëpitë e qytetarëve, do të jetë shumë e vështirë të realizohet projekti i gazit për çdo familje. Petre Shilegov, si kryetar i Bashkësisë së Njësive të Vetëqeverisjes Lokale, thotë se pritet një vendim. Ai thotë se edhe pse Qyteti i Shkupit ka kapacitet financiar për të siguruar vetë para për lidhjen e qytetarëve, ajo do të jetë pjesë e marrëveshjes, sepse përndryshe investitori potencial do të humbasë interesin për biznes.

“Vetë detyrimi për gazifikimin terciar në këtë moment mund të shkaktojë një barrë në shumë komuna dhe jo vetëm një përfitim. Nga ana tjetër, Shkupi si qytet është pjesa më tërheqëse e pjesës komerciale të biznesit të gazifikimit. “Mendimi im personal është që ne si Shkup, ose si qytetarë të Shkupit nuk kemi të drejtë të monopolizojmë të drejtën e gazifikimit- pohi Petre Shilegov -Kryetar i BNJVL-së.

Dy kompani janë të interesuara tashmë në ndërtimin e rrjetit të shpërndarjes të sistemit të gazsjellësit. Kompania që do të marrë biznesin do të duhet të shpërndajë gazin në komuna. Është e paqartë se kush do ta shpërndajë pastaj atë në familje – nëse do të jetë e njëjta kompani, apo kjo do të jetë përgjegjësi e komunës.

Kushtet kryesore për të fituar tenderin për rrjetin e shpërndarjes së gazit është që kompania të ketë të paktën 150 milion euro të ardhura vjetore në tre vitet e fundit. Në katër vitet e para ka një detyrim të ndërtojë të paktën 50 përqind të rrjetit në komunat urbane dhe të paktën 20 përqind në komunat rurale. Realizimi i gazsjellësit që kalon nga Shkupi në Tetovë dhe Gostivar është 70%, dhe pritet të përfundojë deri në prill.

Ile Petrevski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending