Connect with us

Maqedoni

Nxënësit marrin fjalëkalimet për mësim online, por ju mungojnë pajisjet adekuate

Published

on


Nxënësit e arsimit fillor dhe të mesëm tashmë kanë nisur të marrin fjalëkalimet për tu kyçur në Platformën kombëtare për mësim nga distanca. Kujdestarët e klasave që kanë për detyrë shpërndarjen e tyre thonë se po përballen me vështirësi të ndryshme sepse një numër i madh i nxënësve akoma nuk kanë paisje për të punuar me platformën në fjalë.

Ankesat më të mëdha janë se nuk posedojnë pajisje. Shumica e nxënësve, mjet për komunikim kanë telefonat dhe shumë pak, një numër i vogël i nxënësve janë të pajisur më laptop ose kompjuter. Sugjerimet dhe udhëzimet që kemi pranuar prej Ministrisë më tepër kërkohet që të posedojnë laptop dhe kompjuter. Ne kemi pas trajnim tre ditë, për tre ditë nuk kemi pas mundësi që ti njohim të gjitha aplikacionet që I përmban platforma – deklaroi Bunjamin Ahmedi, mësimdhënës i historisë.

Disa nga mësimdhënësit që tashmë kanë bërë testimet e para në këtë platformë bashkë me nxënësit ankohen se shumë prej fjalëkalimeve nuk janë funksionale. Siç thonë ata, në të shumtën e rasteve edhe vet Platforma nuk funksionon.

Jam shumë i sigurt se do të hasim në probleme jo vetëm në gjysmë vjetorin e parë por jam mëse i vetëdijshëm që deri në fund të vitit do të kemi problem të hatashme. Dua ta theksoj edhe këtë se Platforma vetvetiu ka një ngërç në vetvete, një periudhë kohore punon e një periudhë nuk punon. Ka probleme edhe Brenda fjalëkalimeve, disa funksionojnë e disa jo. Ka problem përbrenda në administrimin e këtyre fjalëkalimeve, po ashtu edhe me pasvordët -tha Burim Rexhepi, mësimdhënës I informatikës.

Mësimdhënësit thonë se me më shumë vështirësi do të përballen nxënësit e klasës së gjashtë të arsimit fillor dhe ato të viteve të para në shkollë të mesme për shkak të pamundësisë që me prani fizike të njihen mësuesit dhe kushtet e reja për mësim. Një ditë më parë, Ministria e Arsimit ka aktivizuar Platformën kombëtare për mësim nga distanca përmes faqes së internetit ëëë.schools.mk. Në të tashmë janë vendosur video udhëzime, doracak dhe përmbajtje të tjera. Nga dikasteri i Arsimit u bëjnë thirrje nxënësve dhe prindërve ta vizitojnë dhe të njoftohen më platformën ditëve në vijim.

Melihate Rustemi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending