Connect with us

Maqedoni

MPB dhe Prokuroria hetojnë incidentin në spitalin e Kumanovës

Published

on


Ministria e Punëve të Brendshme (MPB) ka konfirmuar incidentin e djeshëm në spitalin e Kumanovës. Në raportin ditor të MPB-së thuhet se të shtunën, më 26 shtator, në orën 9 e 07 minuta, në Sektorin e Punëve të Brendshme në Kumanovë, një mjek nga Reparti Intern i spitalit ka paraqitur se është sulmuar fizikisht nga kolegu I tij. Më tej, në raportin ditor theksohet se në koordinim me Prokurorin Publik do të ndërmerren të gjitha masat për zbardhjen të rastit. Nga Prokuroria Themelore Publike thanë për Alsat se në institucionin që ata drejtojnë akoma nuk ka arritur një njoftim me shkrim nga MPB-ja bashkë me dëshmitë e siguruara. Në momentin që do të arrijë, Prokuroria në fjalë do të veproj në bazë të kompetencave ligjore. Gjithashtu, nga Prokuroria Themelore Publike bëjnë të ditur se institucioni i tyre në Kumanovë për incidentin në fjalë është njoftuar gojarisht. Një ditë më parë në spitalin e Kumanovës, është sulmuar fizikisht mjeku Shukri Fazliu. Ky i fundit tha se është sulmuar dhe fyer nga kolegu i tij Ylber Isufi sepse nuk i është përgjigjur telefonatës së tij dhe nuk ka marr në kontroll shëndetësor një të afërmit e mjekut, Ylber Isufi. Nga ana tjetër, mjeku Ylber Isufi hodhi poshtë akuzat e kolegut të tij, Shukri Fazliu. Ai tha se vetëm kishte kërkuar sqarim nga Fazliu se përse nuk e kishte pranuar në kontroll shëndetësore pacientin që kishte pritur për 45 minuta. Incidente në spitale kanë ndodhur edhe më parë, por kryesisht mjekët ishin në shënjestër të pacientëve ndërsa rasti i Kumanovës është i pari kur mjeku sulmon mjekun.

Melihate Rustemi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending