Showbiz
Në ‘trailer’-in e ri të “The Kardashians”, Kourtney dhe Travis Barker zbulojnë se po planifikojnë për një shtatzëni
Kourtney Kardashian dhe Travis Barker përkundër aludimeve të shumta janë duke planifikuar të rrisin familjen e tyre.
Në një trailer të ri për serialin e ardhshëm të Hulu, “The Kardashias”, çifti shihet në zyrën e një mjeku duke diskutuar planet e tyre për të pasur një fëmijë.
“Travis dhe unë duam të kemi një fëmijë”, thotë Kourtney.
Foto: Screenshot/YouTube
Në këtë pjesë të shkurtër të publikuar në rrjete sociale shihen gjithashtu disa pamje të Kim Kardashian duke i dërguar mesazhe të dashurit të saj, Pete Davidson.
Gjithashtu, shfaqet një bisedë mes Tristan Thompson dhe Khloe Kardashian duke diskutuar për marrëdhënien e tyre të ndërlikuar mes ngjarjeve të mëdha që kanë ndodhur.
Në fragment flitet edhe për ndarjen e Kim nga reperi Kanye, me të cilin u nda ligjërisht para pak ditëve.
Foto: Screenshot/YouTube
Pas ndarjes zyrtare nga West, ylli i “Keeping Up With the Kardashians” pati probleme të vazhdueshme përfshirë këtu edhe të dashurin e ri, komedianin e “Saturday Night Live”.
“The Kardashians” do të shfaqet premierë më 14 prill në Hulu. /Telegrafi/
