Connect with us

Business

Ndihma e limituar e komunave për biznese

Published

on

Disa nga komunat e Kosovës i kanë liruar nga taksat komunale të gjitha bizneset që kanë pësuar humbje nga pandemia e shkaktuar nga koronavirusi, kurse disa të tjera po i përkrahin me mjete financiare.

Deri më tani nuk ka ndonjë llogaritje zyrtare sa janë humbjet e bizneseve, as nga qeveria, as nga niveli lokal. Por, sipas përfaqësuesve të bizneseve, humbja llogaritet të jenë një miliard euro, kurse deri në fund të vitit mund të humbin mbi 30 mijë vende pune.

Një vendim për ndihmë bizneseve të prekura nga pandemia ka marrë edhe Komuna e Prishtinës. Kjo komunë ka ndarë një grant prej pesë milionë eurosh, kurse aplikimi i bizneseve ka filluar të hënën, më 23 nëntor.

Topalli: Komuna e Fushë Kosovës ka ndarë 308 mijë euro

Edhe Komuna e Fushë Kosovës ka filluar t’i ndihmojë bizneset me para të gatshme në formë të subvencionimit.

Ali Topalli, zëdhënës në këtë komunë, në një bisedë për Radion Evropa e Lirë, thekson se komuna ka ndarë mbi 308 mijë euro për rreth 600 biznese sa kanë aplikuar. Numri i bizneseve në këtë komunë llogaritet të jetë mbi 1,200.

Ai tregon se nga 300 deri 1,900 euro është vlera e ndihmës që do marrin bizneset, varësisht nga numri i punëtorëve.

“Për këtë vit më nuk ka mundësi që t’iu ofrojmë ndihmë bizneseve. Por, në fillim të vitit të ardhshëm bizneset prapë do të përfitojnë nga buxheti i komunës”, thekson Topalli.

Një nga kompanitë që ka aplikuar për mbështetje financiare është “Leoo”, biznes ky që merret me shërbimin e pijeve alkoolike dhe joalkoolike. Pronari i këtij biznesi, Shefqet Emini, thotë se pas përfundimit të karantinës, ende nuk ka arritur ta vazhdojë aktivitetin në kushte të mëhershme. Kështu që ndihma që mund të japë komuna është e nevojshme, por e pamjaftueshme për rimëkëmbjen e biznesit të tij.

“Kemi aplikuar, nuk kemi marrë ende. Komuna mund të më jap 500-600 euro, por për biznesin tim janë të pamjaftueshme, sepse e kam humbur hapin. Por, prapë me këto mjete ndoshta mund të filloj me ndonjë lokal ‘çajtore’, por jo lokal ashtu siç ka qenë”, thekson Sherifi.

Haziri: Në Komunën e Gjilanit pandemia ka shuar 800 vende pune

Por, disa komuna të tjera bizneset i kanë liruar nga taksat komunale. Njëra nga to është Komuna e Gjilanit. Humbjet financiare të shkaktuara nga pandemia janë shqetësuese, thotë për Radion Evropa e Lirë, kryetari i kësaj komune, Lutfi Haziri.

Në Komunën e Gjilanit në fund të vitit 2019 kanë operuar 4,024 biznese. Sipas një hulumtimi të realizuar nga komuna, Haziri thotë se deri më tani 800 vende pune janë shuar, kurse rreziku i largimit të mëtutjeshëm nga puna është shumë i lartë. Ai thotë se 46 për qind e bizneseve kanë deklaruar rënie të nivelit të shitjes prej 90 deri 100 për qind.

Pavarësisht humbjeve, Haziri thotë se mundësitë për përkrahje financiare janë të kufizuara, sepse të hyrat vetanake komunale kanë rënë dukshëm. Megjithatë, ka pasur lirime nga disa obligime, taksa komunale.

“Kemi liruar të gjitha bizneset nga të hyrat komunale, qiratë komunale dhe gjithçka që është tarifë e komunës, e kemi falur për gjithë vitin. Kryesorja është prona komunale, ne kemi lokale që shfrytëzohen me qira nga bizneset dhe i kemi liruar nga pagesa”, thotë Haziri.

Qumështorja “Kabi” që merret me prodhimin dhe përpunimin e qumështit, gjendet në Komunën e Gjilanit. Pronari i kësaj kompani Nehat Bixhaku, thekson se nga komuna nuk ka përfituar, pasi objekti nuk është me qira. Por, ai thotë se subvencionet komunale, qoftë me para apo makineri, do të lehtësonin të bërit biznes në kompaninë e tij.

“Sa i përket taksave komunale ende nuk kam bërë ndonjë pagesë dhe nuk di, objekti im nuk është me qira. Do të ishte e mirëseardhur ndonjë ndihmë, por edhe kjo varet nga buxheti komunal”, thekson Bixhaku.

Sherifi: Komuna e Ferizajt ka ndarë 200 mijë euro subvencione

Edhe Komuna e Ferizajt në bazë të mundësive buxhetore i ka ndihmuar bizneset private që kanë pësuar humbje nga pandemia.

Zëdhënësi i komunës, Albion Sherifi, tregon se përveç lirimit nga taksat komunale, komuna ka ndarë një buxhet në vlerë prej 200 mijë eurosh, me të cilat ka ndihmuar qytetarët në nevojë, por edhe ka subvencionuar bizneset, kryesisht prodhuese dhe bujqësore, me pajisje të ndryshme dhe materiale të përshtatshme për veprimtarinë e tyre.

Numri i bizneseve në këtë komunë është mbi 4,100.

Ibrahimi: Komunat i kanë liruar bizneset nga taksat komunale

Drejtori ekzekutiv i Asociacionit të komunave të Kosovës, Sazan Ibrahimi, tha për Radion Evropa e Lirë se niveli lokal ka ndihmuar në forma të ndryshme bizneset, por jo të gjitha me subvencione. Ai thotë se buxheti i komunave është i limituar që të ndajë mjete financiare për biznese, pasi edhe gjatë këtij viti ka pasur rënie të hyrave vetanake.

“Shumica e komunave kanë bërë veprime të tilla, duke i liruar nga taksat e ndryshme komunale. Jo me subvencione, para të gatshme, por duke liruar nga qiratë apo taksat të ndryshme sepse të hyrat komunale janë zvogëluar dukshëm, të gjitha këto masa të marra për parandalimin e COVID-19 kanë ndikuar në mosinkasimin e të hyrave vetanke”, tha Ibrahimi.

Drejtori ekzekutiv i Odës Amerikane në Kosovë, Arian Zeka ditë më parë ka thënë se “komunat kanë një rol të rëndësishëm në zhvillimin e politikave të ndërmarrësisë”, duke theksuar heqjen e barrierave të të bërit biznes në nivel lokal. Komunat, ka thënë ai, duke ndikuar edhe përmes ndarjes së fondeve për nxitje të ndërmarrësisë, mund të shërbejnë si motivues për qëndrimin e të rinjve brenda Kosovës.

Tridhjetë e tetë komunat e Kosovës, për vitin 2020 kanë planifikuar të hyra në vlerë rreth 83 milionë eurosh, por kjo do të jetë e paarritshme, thuhet në një hulumtim që ka bërë Instituti për Studime të Avancuara (GAP).

Qeveria e Kosovës, në Pakon e parë emergjente fiskale pati ndarë 10 milionë euro për komunat e Kosovës që do të shfrytëzohen për tejkalimin e pasojave të krijuara nga masat e ndërmarra për parandalimin e përhapjes së mëtejme të koronavirusit.

Kurse për të rikuperuar humbjet dhe për të mbajtur punëtorët në punë, bizneset në nivel vendi janë ndihmuar nga Fondi për rimëkëmbje ekonomike i Qeverisë së Kosovës.

Nga ky Fond janë ndarë 60 milionë euro, kurse bizneset kanë përfituar varësisht nga numri i punëtorëve që kanë pasur të regjistruar Administratën Tatimore të Kosovës (ATK), në muajin dhjetor të vitit 2019./REL

Alsat

Click to comment

Leave a Reply

Your email address will not be published. Required fields are marked *

Business

Të revoltuar me Qeverinë, organizatorët e ahengjeve vazhdojnë protestën

Published

on

Kompanitë e industrisë për organizimin e dasmave dhe ahengjeve protestojnë para qeverisë për të dytën ditë me radhë. Janë të revoltuar, siç thonë, që autoritetet e shohin gjendjen e tyre me përbuzje. Sipas organizatës pa ndihmë shtetërore do të duhet t’i mbyllin ndërmarrjet dhe t’i largojnë punonjësit nga puna. Një pjesë e kompanive në këtë veprimtari janë me 30 vjet ekzistencë dhe punësojnë mbi 10 mijë persona. Deficiti në këtë industri tejkalon 60 % krahasuar me vitin 2019, si rezultat i krizës ekonomike dhe shëndetësore. Qeveria është e mendimit se kjo industri është e përfshirë nga pakoja e pestë e masave, përkatësisht janë siguruar një milion euro, fonde të pakthyeshme për organizimin e të paktën 40 ngjarjeve, të cilat presin të angazhohen më shumë se 100 kompani si organizatorë, prodhues dhe qiramarrës të teknikës, por edhe angazhimi i artistëve, muzikantëve, aktorëve, punonjësve të kulturës, fotografëve, kameramanëve, producentëve, teknikëve dhe profesioneve të tjera që zakonisht merren me ose rreth industrisë së ngjarjeve.

Le të hyjë dikush në lëkurën tonë dhe le ta shohë se si duket të jesh pa të ardhura 14 muaj, të mos fitosh asgjë, të habiteni se si i  mbuloni shpenzimet. Nuk janë vetëm pagat e punonjësve që duhet të mbulohen, por kemi shumë kosto të tjera”, tha Maja Babiq, kryetare e shoqatës së industrisë së ngjarjeve.

Alsat

Continue Reading

Business

Ligjet nga pakoja e pestë, deri nesër në Komisionin për Financim dhe Buxhet

Published

on

Propozim-ligjet nga pakoja e pestë e masave ekonomike do t’u paraqiten deputetëve në Komisionin për Financa dhe Buxhet më së voni deri nesër. Kryetari i komisionit, Timço Mucunski, thotë se debati i amendamenteve duhet të mbarojë brenda një dite ndërsa për ligjet pret që të dorëzohen amendamente, të cilat do t’i referoheshin vetëm zgjatjes së afateve të skaduara tashmë. Megjithatë, mbetet që grupet e deputetëve në Kuvend të koordinohen së bashku për paraqitjen e amendamenteve, thotë Mucunski.

Me siguri do ta caktojmë seancën sot pasdite ose gjatë ditës së nesërme. Me siguri do të ketë edhe disa ndryshime thelbësore të ligjit në lidhje me afatet për të mos u krijuar pengesa shtesë për njerëzit dhe kompanitë që do të aplikojnë për këtë ndihmë. Pres që debati të zgjasë një ditë pune dhe pastaj ligji të përcillet në seancën plenare – deklaroi Timço Mucunski – deputet i VMRO-DPMNE-së.

Ligjet nga pakoja e pestë, duhet të paraqiten përpara Komisionit. Midis tyre janë edhe propozim-ligjet për mbështetjen financiare për pagesën e pagave për kompanitë dhe kryerësit individual të pavarur. Kompanitë duhej të merrnin ndihmën në shkurt dhe mars ndërsa për shkak të mosmiratimit në kohë të këtyre masave, mijëra qytetarë mbetën pa paga. Përveç këtyre ligjeve, propozim-ligji për ndihmë për qytetarët të cilët për shkak të afateve të shkurtra nuk kanë marrë gjashtë mijë denarë të ndihmës shtetërore vitin e kaluar duhet t’i paraqitet Komisionit. Ky ligj gjithashtu pritet të ndryshohet për ta zgjatur afatin, i cili ishte planifikuar të ishte 31 marsi.

Andrea Cobanova

Alsat

Continue Reading

Business

Më në fund paga minimale në Kosovë po rritet

Published

on

E caktuar në vitin 2011 me vendim të Qeverisë që aso kohe drejtohej nga kryeministri Hashim Thaçi, paga minimale në Kosovë nuk ka ndryshuar më asnjëherë. Edhe pse ka kaluar një dekadë nga ajo kohë, paga minimale ka mbetur 130 euro për të punësuarit e moshës nën 35 vjeç, si dhe 170 euro për të punësuarit e moshës mbi 35 vjeç. Për rritjen e pagës minimale, vazhdimisht ishin bërë premtime elektorale nga subjekte politike që kanë udhëhequr deri më tani me vendin por si të tilla ato kanë mbetur vetëm premtime. Së fundmi edhe kryeministri i sapozgjedhur, Albin Kurti premtoi rritje të pagës minimale në 250 euro.

Ndonëse sipas propozimit të Këshillit Ekonomiko-Social, Qeveria e Kosovës do të duhej që në fund të çdo viti kalendarik sipas ligjit në fuqi, të përcaktojë pagën minimale, një gjë e tillë nuk është bërë për 10 vite me radhë.

Në mesin e zotimeve të shumta, kryeministri Albin Kurti gjatë fushatës elektorale për zgjedhjet e fundit të 14 shkrutit, ka premtuar rritje të pagës minimale prej 250 euro, duke i përjashtuar po ashtu këtë kategori edhe nga tatimi në të ardhurat personale.

Nga njëri prej dikastereve kryesore në Qeverinë “Kurti 2”, Ministria e Financave kanë thënë  se premtimi i kryeministrit Kurtit, pritet të implementohet shumë shpejtë.

Madje, sipas zëdhënësit të Ministrisë së Financave, Muharrem Shahini, ashtu siç ishte proklamuar, rritja e pagës minimale nuk do ta prek edhe vlerën e pensioneve të përfituesve të skemave sociale.

“Çështja e rritjes së pagës minimale , ashtu edhe siç është prezantuar në Planin e Qeverisë nga Kryeministri do të imlementohet shpejtë. Po ashtu vlen të theksohet se vlera e pensioneve të përfituesêve të skemave sociale nuk është e lidhur me pagën minimale”, tha Shahini.

Premtime për rritjen e pagës minimale i janë bërë vazhdimisht edhe kryetarit të  Bashkimit të Sindikatave të Pavarura të Kosovës, Avdi Ajdinit i cili u shpreh optimist për realizimin e këtij premtimi nga ana e kryeministrit Kurti.

Ai madje thotë se rritja e pagës minimale do të duhej të bëhej 350 euro.

 “Ne kemi pasur si premtim pozitiv. Ne kemi luftuar me Qeveritë tjera për tu realizuar kjo e drejtë e punëtorëve po me asnjë Qeveri nuk kemi pasur mundësi ta realizojmë. Premtimi i Kurtit gjatë fushatës elektorale mbi rritjen e pagës minimale, unë besoj që do ta realizojë. Kurti ka premtuar rritje të pagës minimale prej 250 euro, ndërsa ne po kërkojmë që kjo të rritet e të bëhet 350 euro”, tha Ajdini.

Ajdini ka treguar se së fundmi përmes një shkrese të dërguar i ka kërkuar kryeministrit Albin Kurtit takim për të diskutuar edhe rreth rritjes së pagës minimale.

“Unë ja kam bërë një shkresë kryeministrit Albin Kurtit më 31 mars të këtij viti, përmes së cilës i kam kërkuar takim. Në takim kam planifikuar të diskutojë për pesë pika kryesore, në mesin e tyre edhe për rritjen e pagës minimale në Kosovë. Nuk kam marrë ende përgjigje”, theksoi ai.

E, për njohësin e çështjeve ekonomike, Musa Limani, rritja e pagës minimale në vend para se të implementohet do të duhej të siguroheshin mjetet financiare pasi që sipas tij, kjo do ta ngarkojë edhe buxhetin e Kosovës.

“Edhe nëse paga minimale bëhet 350 euro nuk ka asgjë të keqe, mirëpo duhet të ketë parasysh të sigurohen mjetet për rritjen e pagave, për arsye se pagat minimale te ne janë jashtëzakonisht të ulëta 130-170 euro. Sigurisht që do ta ngarkojë buxhetin e Kosovës dhe normal që pastaj do të ndikojë dhe do të jetë e obligueshme edhe për sektorin privat. Kjo mundet me qenë shpat me dy teha sidomos te sektori privat që mundet të kolapsojë. Kurse te sektori publik, duhet të sigurohen mjetet buxhetore”, tha Limani.

Bazuar në të metodologjinë ndërkombëtare rreth çmimeve të publikuara në Agjencinë e Statistikave të Kosovës për artikujt kryesor ekzistencial për vitin 2020, paga minimale në Kosovë do të duhej të ishte nga 280 deri në 300 euro. 

Alsat

Continue Reading

Trending