Connect with us

Maqedoni

Mungesa e parkingjeve, problem për Shkupin

Published

on


Mungesa e vendeve për parkim, parkimet nëpër tretuar dhe në të gjitha vendet ku shkelen rregullat në komunikacion, është një problem i pazgjidhur për kryeqytetin. Qytetarët nuk shpresojnë se do të ketë zgjidhje.”

“Krejt premtojnë asnjëri asgjë nuk bënë. Do të thotë premtoheshin parkingje, premtonin gjëra, a u bë diçka? Asgjë. Shumë vetura ka shiko këtu kaos, atje kaos, nëpër banesa kaos.”

“Ka por edhe nuk ka, në pjesën e qendrës, nuk shfrytëzohen mjaftueshëm garazhet në kate. Të gjithë duan të parkohen diku me shpejtësi.”

“Në kryeqytet ka shumë garazhe në kate, por ka komuna që ende nuk e kanë asnjë të tillë edhe pse janë shumë të ngarkuara. Kryetari i Qytetit të Shkupit thotë se komunat duhet vetë të gjejnë zgjidhje.”

Komunat nga ana tjetër mund të ngrenë procedura fillimisht për të ndërtuar garazhe në kate, mund të  ngrenë procedurë për shitjen e pronës për ndërtim të garazhit në kate, duke pasur parasysh që ashtu janë kompetencat ligjore që i kanë komunat për momentin. Nuk duhet të pritet që Qyteti i Shkupit të shkojë nga komuna në komunë të zgjidhë problemin me parkimin, që de fakto është problem i komunave.”-pohoi Petre Shilegov, kryetar i Qytetit të Shkupit.

Këtu kanë qenë problem planet detale që është dashur të kalojnë, nuk kemi mundur të fillojmë asnjë parking në kate, por me iniciativë të qytetarëve kur kanë bërë kërkesë dhe kemi pasur hapësira, ne me pllaka betoni kemi krijuar kushte të reja për parkingje.”-tha Visar Ganiu, Komuna e Çairit.

Masa të tjera që merren është ajo që Komuna dhe Qyteti gjatë riparimit të rrugëve të caktuara, të krijojë vende të reja parkimi.”-pohoi Sasha Bogdanoviq, kryetar i Komunës Qendër.

Problemin me mungesën e parkimeve ekspertët e vlerësojnë si rrezik plus për sigurinë e qytetarëve në komunikacion.

Për shkak të parkimit të parregullt në disa vende shkaktohen rreziqe serioze në aspekt të perceptimit të rrezikut dhe me këtë shkaktohen situata të ndryshme të rrezikut dhe fatkeqësi. Për shkak të kësaj, në periudhën e ardhshme organet kompetente duhet posaçërisht të kujdesen për hapësirën për parking”-tha Boris Murgoski, ekspert.

“Nga Qyteti i Shkupit njoftojnë se vetëm brenda një jave gjobiten mbi 350 qytetar të cilët nuk respektojnë rregullat për parking. Ndërsa për momentin kjo është zgjidhja e vetme për t’iu shmangur parkimeve jolegale.”

Mefail Ismaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending