Mësohen dyshet e çerekfinales në “Australian Open” – Alsat

Në Melburn janë mbyllur ndeshjet e raundit të katërt të Grand Slam të Australian Open, duke përcaktuar çerekfinalistet në të dyja kategoritë.

Në konkurencën e femrave, një biletë për në çerekfinale ka siguruar numri 5 në botë, tenistja bjelloruse Arina Sabalenka. Ajo mposhti 2-0 (7-5, 6-2) zviceranen Belinda Bençiç. Surprizë eliminimi i numrit 4 në botë, francezes Karoline Garcia. Kjo e fundit u mund 2-0 (7-6, 6-4) nga polakja Magda Linet. Avancon edhe krotja Dona Vekiç, që mundi 2-1 çeken Fruhvirtova, ndërsa çekja tjetër, Karolina Plishkova eliminoi kinezen Shuai Zhang, duke fituar 2-0 (6-0, 6-4).

Te meshkujt, serbi Novak Gjokoviç mposhti me lehtësi 3-0 australianin Aleks De Minaur (6-2, 6-1, 6-2), duke qenë pretendenti kryesor për fitimin e këtij turneu, për të dhjetën herë në karrierë. Në çerekfinale ai do të luajë ndaj Ben Sheltonit. Amerikani mundi 3-2 patriotin e tij Xhefri Volf, ndërkohë që avancon në çerekfinale një tjetër amerikan, Tomi Poll. Ai mundi 3-1 spanjollin Roberto Bautista Agut. Çerekfinalisti i fundit është rusi Andrej Rublev, numri 6 në botë, që mundi 3-2 norvegjezin Holger Rune.

Çerekfinale-Femra

E.Ribakina – J.Ostapenko

J.Pegula – V.Azarenka

K.Plishkova – M.Linette

A.Sabalenka – D.Vekic

Çerekfinale-Meshkuj

K.Khachanov – S.Korda

S.CiCipas – J.Lehecka

A.Rublev – T.Paul

B.Shelton – N.Gjokovic

The post Mësohen dyshet e çerekfinales në “Australian Open” appeared first on Alsat.