Me një video duke kërcyer, Adriana Matoshi i del në mbështetje mësimdhënësit nga Vushtrria që u bë viral në TikTok: Mos e ndal vallëzimin për askënd

Një mësimdhënës nga Vushtrria u bë viral në rrjetin social TikTok me vallëzimin e tij duke marrë kështu vëmendje të madhe.

Bëhet fjalë për Lulzim Paci, i cili tashmë ka fituar epitetin si “Profa i TikTok-ut”, por jo të gjithë e mirëpritën videon që ai realizoi.

Paci u kritikua dhe pranoi komente negative duke përfshirë deputeten e Lëvizjes Vetëvendosje, Fjolla Ujkani, megjithatë disa fytyra publike i dolën në mbrojtje dhe e mbështetën veprimin e tij.

Ishte aktorja dhe deputetja e Kuvendin të Kosovës, Adriana Matoshi e cila ka realizuar një video teksa shihet duke vallëzuar dhe bashkë me të ajo ka shkruar edhe një status të gjatë në të cilin e përkrahu mësimdhënësin.

Matoshi tha se nëse kjo do të ndodhet në ndonjë vend të huaj të gjithë do ta përkrahnin.

Ajo ndër tjera shtoi se i gëzohet faktit që edhe përkundër pandemisë e izolimit njerëzit gjejnë motivin për me reflektu pozitivitet dhe me u argëtua në mënyrën e vet.

Duke iu drejtuar mësimdhënësit, aktorja e njohur tha që ai nuk duhet ta ndal vallëzimin për askënd.

Më poshtë postimi i plotë i Adriana Matoshi pa ndërhyrje:

Une nuk di me kcy se nuk jom valltare profesioniste, po bash qitash qe kom arsyje mas krejt seneve qe i kalova, nuk e kom plan me u nal tu kcy o profe.

Unw jom ftyre publike se jom pjese e skenes se artit qe shume vjet, tash edhe pjes e politikes, po prap m’shajne, m’keshin, e bullizojne me mu. Po apet nuk e kom plan mu nale o profe.

Nese ti ishe kone i huji, kishe dal e kishe bo naj vallzim palidhje pa ritem hiq, kishin thone “qe bre ktyne te jashtit gjithçka ju ka hije”…”ktyne te jashtit nuk ja u nin per sen”…

Ne fund te dites ti je PROFESOR.
Mos e nal vallzimin per kerkon.

Shyqyr qe mas pandemise e izolimit qe e kemi perjetu, njerzt e gjejne motivin me reflektu pak pozitivitet e mu argetu n’menyrat e veta. Kerkujt kurgjo t’keqe nuk i ke bo.

Ishalla jeta ka me na dhone gjithmone arsyje me festu e vallzu.
#meProfen