Connect with us

Maqedoni

Maqedonia e Veriut dhe Bullgaria nisën bisedimet për tejkalimin e dallimeve

Published

on


Me takimin e sotëm mes krye-diplomatëve të Maqedonisë së Veriut dhe Bullgarisë filluan bisedimet rreth dallimeve për historinë dhe gjuhën, që po e pengojnë vendin t’i nisë negociatat me BE-në. Zaharieva tha se Maqedonia e Veriut e ka patjetër ta pranojë realitetin historik rreth krijimit të popullit të sotëm maqedonas dhe ta zbatojë klauzolën gjuhësore të përcaktuar me marrëveshjen dypalëshe të vitit 2017-të.

“Bullgaria asnjëherë nuk ka pasur pretendime territoriale ndaj Maqedonisë së Veriut dhe qytetarëve të saj asnjëherë nuk ua ka kontestuar të drejtën për vetë-identifikim. Prandaj është e papërshtatshme të paraqiten gjërat ndryshe, si para qytetarëve tanë ashtu edhe në nivel ndërkombëtar. Ashtu si i ka pranuar Bullgaria realitetet moderne politike, tani është e nevojshme Maqedonia e Veriut t’i pranojë realitetet historike lidhur me procesin e krijimit të identitetit të ri kombëtar”, deklaroi Ekaterina Zaharieva, Ministre e Jashtme e Bullgarisë.

Osmani tha se është koha që dy vendet të përballen me të gjitha ngjarjet historike dhe t’i sqarojnë dilemat.

“Kemi marrëveshje që e definon kornizën, kemi vullnet për miqësi mes dy vendeve për mbështetje të ndërsjellë. Bullgaria ka obligim ta mbështesë integrimin euro-atlantik të Maqedonisë së Veriut. Ne kemi obligim të japim rezultate dhe t’i zbardhim të gjitha dilemat, që edhe pse tani i shohim si handikap shpejtë do t’i shohim si vlerë shtesë në marrëdhëniet tona”, tha Bujar Osmani, Ministër i Jashtëm.

Nga Sofja, kryeministri bullgar, Borisov u shpreh optimist se procesi kompleks dhe i patjetërsueshëm i negociatave do të rezultojë me marrëveshje mes dy palëve para 10 nëntorit.

“Shpresoj Maqedonia e Veriut t’i merr garancitë e nevojshme edhe nga ne dhe ta vazhdojë rrugën drejt BE-së. Duhet të bëhen kompromiset e nevojshme, ashtu siç i kanë bërë shumë të tjerë. Jemi të obliguar për gjeneratat e tashme dhe të ardhshme, të sigurojmë që Maqedonia e Veriut, Shqipëria dhe shtetet tjera të Ballkanit Perëndimor të mos pengohen në rrugën drejt BE-së. Me takimin e sotëm fillojmë bisedimet në të gjitha nivelet, që deri më 10 nëntor të kemi zgjidhje kompromisi. Është proces shumë kompleks, i shpejtë, i rëndësishëm dhe i patjetërsueshëm”, u shpreh Bojko Borisov, Kryeministër i Bullgarisë.

Borisov komentoi rezolutën e fundit që ka mbërritur në Parlamentin Evropian, në të cilën përmendet partia Ilinden dhe pakica maqedonase në Bullgari, duke thënë se kjo gjë nuk ndihmon askënd, aq më pak në momentin që dy vendet duhet të bëjnë kompromise.

Anesa Salihu

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending