“Labile”, publikohet nga Enis Bytyqi

Artisti i njohur nga Ferizaj, Enis Bytyqi, ashtu siç ka paralajmëruar mbrëmë (e premte) ka publikuar këngën e re.

“Labile” titullohet projekti i tij i ri, të cilin e ka kompletuar edhe nga ana vizuale me një klip mjaft të veçantë.

Producent ekzekutiv i kësaj kënge është vet këngëtari, ndërkohë që për videon u përkujdes LORD VAPORMAX.

Projekti tashmë është lansuar në YouTube dhe besohet se do të mirëpritet nga publiku.

Enisi shquhet për vokalin e tij të mahnitshëm, përkundër se nuk është mjaft aktiv me prurje muzikore.

Ai prej kohësh ka ndërtuar jetën në Gjermani, ku edhe jeton së bashku me gruan e tij, Rinën. /Telegrafi/