Connect with us

Maqedoni

Kuvendi ende nuk e ka shpallur konkurs për zgjedhjen e Avokatit të ri të Popullit

Published

on


Alsat mëson se edhe në takimin e sotëm koordinues mes krye parlamentarit Talat Xhaferi dhe kryetarëve të grupeve parlamentare në Kuvend nuk është diskutuar për shpalljen e konkursit publik për zgjedhjen e Avokatit të ri të Popullit. Në koordinimin e sotëm është biseduar për çështje të tjera, si për masat anti-covid që duhet të miratohen në Kuvend, apo për rebalancin e buxhetit. Afati ligjor për shpalljen e këtij konkursi është tejkaluar. I njëjti duhet të ishte bërë më së voni në fillim të këtij muaji, pasi bazuar në Ligjin për Avokatin e Popullit konkursi duhet hapur 3 muaj para përfundimit të mandatit të atij aktual. Mandati i Avokatit të Popullit, Ixhet Memeti, skadon më 24 dhjetor. Nga rrjeti për mbrojtje nga diskriminimi edhe njëherë përsërisin apelin e tyre që konkursi të hapet sa më parë dhe zgjedhja të bëhet në bazë të meritokracisë.

Konkluzioni është se kemi Kuvend, i cili vet nuk respekton plotësisht ligjet… Avokati ynë i Popullit për shkak të mungesës së pavarësisë nuk ka vullnet dhe guxim që t’u kundërvihet institucioneve në lëndë apo çështje të caktuara, kur ata shkelin ligjet. Duke u nisur nga kjo në apelojmë deri tek partitë politike që këtë herë të përzgjedhin Avokat të Popullit në bazë të meritës, përkatësisht dikë me eksperiencë në fushën për mbrojten e të drejtave të njeriut – u shpreh Dragana Drndarevska, rrjeti për mbrojtje nga diskriminimi.

Ky rrjet do të kërkojë nga Ministria e Drejtësisë që të vendosë rregulla më specifike dhe më të rrepta për përzgjedhjen e Avokatit të Popullit. Sipas tyre, ligji që rregullon këtë çështje duhet të garantojë më shumë transparencë dhe inkluzivitet, pasi që ai aktual këtë çështje e lë plotësisht në duart e partive politike. Pak kohë më parë nga Aleanca për Shqiptarët dolën me qëndrim se ky pozicion duhet t’i takojë opozitës, në mënyrë që pushteti të mos e uzurpojë institucionin që sipas tyre, duhet të jetë zëri i qytetarëve. Një nga emrat e përfolur për këtë post ishte ai i kandidatit të BDI-së për kryeministër, Naser Zyberi, mirëpo nga kjo parti nuk i konfirmuan këto zëra.

Përgatiti: Evi Shkopi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending