Connect with us

Maqedoni

Kovid-19, Struga pa qendër për marrjen e strishove

Published

on


Qytetarët e Strugës dhe rajonit të cilët duhet të bëjnë test për COVID-19, nuk mund ta bëjnë më në këtë qytet. Detyrohen të shkojnë deri në Ohër. Pronari i ndërtesës u ka thënë mjekëve që ta lëshojnë objektin.

“Kishte hapësirë në drejtorinë e vjetër të “Proakua-s”, por doli që këto ishin hapësira private dhe pronari thjesht na dëboi gjegjësisht nuk donte të merren materiale për Kovid…”, deklaroi Sasho Toçkov- drejtor i Qendrës së Shëndetit Publik- Ohër.

Por, pronari i objektit, Usein Ramo ku qendra për Covid funksiononte rreth katër muaj, për Alsat pohon të kundërtën. Ai thotë se ka lejuar që hapësirat të përdoren tre muaj falas, por pasi ka kërkuar qira për periudhën në vijim, stafi mjekësor është larguar. Për momentin, Ministria e Shëndetësisë kërkon lokacion tjetër. Epidemiologët pretendojnë se Struga është zonë kritike, pasi shpesh qytetarët nuk reagojnë në kohë.

“Së pari, ata vinin vonë. Jo me fillimin e simptomave të para, por se përpiqeshin të shërohen vetë në shtëpi. Mjekët amë u ndihmonin, u jepnin antibiotikë, por refuzojnë, posaçërisht nga fshatrat e Strugës, refuzonin të vinin në kohë dhe të shëroheshin dhe kur paraqiteshin te mjeku, veç më ishin në fazën përfundimtare. Kjo është arsyeja pse kemi kaq shumë raste të vdekjeve”, u shpreh Jovanka Koroveshoska- epidemiologe.

Drejtori i spitalit të Strugës, Muhamed Asani ku nuk ka repart infektiv, thotë se aktualisht ndodhen 15 pacientë në repartin intern, të dyshuar ose të konfirmuar me Kovid. Strishot që i kanë marrë prej tyre, për analiza i kanë dërguar në ASHAM për analiza.

Miki Trajkovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending