Connect with us

Maqedoni

Karakaçanov kërcënoi Shkupin, Shekerinska: Kështu nuk negociojnë aleatët

Published

on


Kështu nuk negociojnë aleatët. Kjo ishte përgjigjja e ministres së Mbrojtjes, Radmilla Shekerinska ndaj homologut të saj bullgar Krasimir Karakaçanov i cili u shpreh se është i gatshëm brenda 24 orëve t’i largojë përmendoret kontestuese nga Shkupi me ndihmën e regjimenteve të inxhinierëve. Shekerinska theksoi se deklarata e Karakaçanovit i përket të kaluarës dhe se Maqedonia e Veriut do të vazhdojë të negociojnë me frymën e miqësisë.

Ka ikur koha kur ministra të mbrojtjes kanë dhënë deklarata të tilla dhe dikush i ka marr për serioze. Bullgaria është anëtare e NATO-s ashtu siç jemi edhe ne dhe kjo nuk është mënyrë siç duhet të negociojnë aleatët. Ne vazhdojmë t’i dërgojmë mesazhet e njëjta si viteve të fundit dhe ajo është se qytetarët na paguajnë dhe presin t’i garantojmë siguri. Ajo siguri varet nga marrëdhëniet e mira ndër fqinjësorë”-tha Radmilla Shekerinska, Ministre e Mbrojtjes.

Zëvendëskryeministri i Bullgarisë dhe ministër i Mbrojtjes, Krasimir Karakaçanov në një intervistë për mediat bullgare ka deklaruar se miqësia nuk mund të ndërtohet derisa në historinë e shtetit maqedonas përmendet fashizmi bullgar.

Ne nuk mund të tolerojmë që një shtet të ndërtojë identitet duke u bazuar në librat të cilat thonë se bullgarët kanë qenë vrasës, fashistë, tatarë, okupatorë etj. Shtet i cili me politikë krijon pakica nacionale brenda Bullgarisë dhe cenon gjithë territorin e vendit tonë”-theksoi Krasimir Karakaçanov, Ministër i Mbrojtjes në Bullgari.

Ai më tej ka kontestuar edhe 11 tetorin si festë shtetërore e cila sipas tij nuk ka të bëj me çlirim nga fashizmi por një incident i thjeshtë policor të cilin e kanë interpretuar në heroizëm. Lidhur me kryengritjet të cilat Maqedonia i kremton si trase përmes të cilës ka ardhur deri te ndërtimi i shtetit, Karakaçanov thotë se të njëjtat janë udhëhequr me flamurin e Bullgarisë.

Nuk ka dy kryengritje, por ka një. Nuk ka dy popuj po ka një popull të unifikuar bullgar i cili gjatë Kryengritjes së Ilindenit ka valëvitur flamurin ne ngjyra kuq, gjelbër dhe bardh dhe ka shkruar “Liri ose vdekje” dhe nuk kishte një ventilator si ky që sot ata e kanë flamur”-deklaroi Krasimir Karakaçanov, Ministër i Mbrojtjes në Bullgari.

 

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending