Connect with us

Maqedoni

Oda e Gastronomëve: Kufizimet janë të kota, nëse nuk respektohen

Published

on


Shkurtimi i orëve të punës në objektet gastronomike nuk do të funksionojë, nëse respektohet në mënyrë selektive, siç ka qenë rasti deri më tani. Nga Oda e Gastronomëve thonë se ata janë të vetëdijshëm për gjendjen shëndetësore, por ata apelojnë që ndryshimet e shpeshta të rregullave të lojës nuk janë të dobishme për askënd. Kërkojnë nga autoritetet largpamësi në punën e tyre. Ata janë për protokolle strikte, por ata thonë se pa i respektuar të gjithë, nuk do të ketë efekt.

“Qëllimi është që protokollet të respektohen. Nëse protokollet do të respektoheshin, ahengje të tilla dhe gjithçka tjetër që pamë nëpër media, nuk do të ekzistonin. Duhet të respektohen. Kufizimi nuk do të funksionojë nëse nuk respektohet- deklaroi Martin Angellovski- Oda e Gastronomëve.

Ulja e orëve të punës së lokaleve është masë parandaluese. Kjo do të zbatohet vetëm për gastronominë kurse kompetentët thonë se qeveria do të punojë për të siguruar se bizneset nuk do të mbyllen plotësisht.

Qëndrimi i ekspertëve është se ekonomia nuk guxon të lejojë karantinë të re.

“Ekspertët tashmë kanë paralajmëruar se nuk duhet të ketë mbyllje të re të bizneseve. Sipas tyre, ekonomia është në prag të kolapsit dhe nëse ka karantinë të re, do të jetë një shuarje e ekonomisë. Këshilla nga ekspertët është të gjenden module në mënyrë se si në këtë kohë pandemie dhe numrit të shtuar të të infektuar, sektori privat të funksionojë”

Shumica e të sapo infektuarve janë persona deri në 40 vjeç. Dyshimet janë se ata u infektuan në ambientet e objekteve hotelierike ose në ahengje. Inspektorati i Tregut tashmë ka njoftuar se do të kryejë inspektime të intensifikuara.

Ile Petreski

 

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending