Connect with us

Maqedoni

Kalon në Qeveri ligji për makinat me targa të huaja – Alsat

Published

on

Shpenzimet për regjistrimin e automjeteve me targa të huaja zvogëlohen për 50%. Qeveria i dha dritë jeshile Ligjit për Regjistrimin e Automjeteve me targa të huaja. Sipas informatave të Alsat, rregullat e reja do të vazhdojnë për të gjitha automjetet motorike që janë importuar në vend deri në 1 tetor 2020. Pronari i automjetit është i obliguar t’i paguajë të gjitha harxhimet doganore dhe tatimet ndaj shtetit brenda gjashtë muajve nga dita e hyrjes në fuqi të këtij ligji, mëson Alsat.

 “Automjetet që do të importohen dhe regjistrohen sipas këtij ligji kanë obligime të zvogëluara ndaj shtetit për 50% nga vlera e caktuar e të gjitha taksave që paguhen gjatë importit”.

Ky ligj do të vlejë një vit pas hyrjes së tij në fuqi.

 “Për të regjistruar automjet me targa të huaja, qytetarët do të duhet të kenë dokumentacionin për prejardhjen e automjetit, pronësinë e automjetit, detyrimet e rregulluara ndaj shtetit për doganat dhe taksat, korrektësinë teknike, vlerat e matura të gazrave lirues, sigurimin e kryer, taksat e paguara”.

Tani është radha e deputetëve, përkatësisht ligji kalon në Kuvend ku do të vazhdojë debati për këtë zgjidhje ligjore. Pasi të miratohet, Ligji duhet të publikohet në “Gazetën Zyrtare” dhe zbatimi i tij do të fillojë për dhjetë ditë. Alsat veç më informoi se sipas të dhënave nga Drejtoria e doganave gjatë këtij viti pjesa më e madhe e automjeteve të importuara janë nga vendet e BE-së, përkatësisht nga Gjermania, Bullgaria dhe Sllovenia, një pjesë e vogël janë edhe nga SHBA-ja.

Ile PEtrevski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending