Connect with us

Maqedoni

Kalon fazën e parë propozimi për “pjesëmarrje online” në Kuvend – Alsat

Published

on

Kuvendi votoi nevojën për ndryshimin e Rregullores. Kryetari i Kuvendit, Talat Xhaferi si propozues theksoi se kjo bëhet me qëllim të funksionimit të Kuvendit pa pengesa. Xhaferi pret nga opozita qasje konstruktive me qëllim ndryshimin e Rregullores mbi bazën e konsensusit gjithë parlamentar.

Nuk është intenca dhe në asnjë mënyrë nuk ndryshohet puna që e bëjnë ne këtu me punë nga distanca. Ata që e kanë lexuar tekstin dhe ata që do të lexojnë në të ardhmen do të kenë mundësi të intervenojnë në çështjet për të cilat mendojnë se duhet ndryshuar dhe plotësuar me qëllim që të përgatitet tekst më i mirë”-tha Talat Xhaferi, kryetar i Kuvendit.

Opozita nuk pajtohet dhe për këtë arsye nuk ishte në sallë në kohën e votimit. Sipas tyre, ndryshimi i Rregullores bie në kundërshtim me Kushtetutën. VMRO-DPMNE-ja paralajmëron bllokimin e procedurës.

Gjithsesi se do të marrim pjesë, nuk lejojmë një procedurë jo ligjore, jo kushtetuese dhe në kundërshtim me vetë Rregulloren e Kuvendit. Arsyeja e vetme për të cilën kërkojnë Kuvendin online është fakti se nuk kanë mundësi të sigurojnë shumicë për punë në Kuvend”-pohoi Nikolla Micevski, deputet i VMRO-DPMNE-së.

Me ndryshimet e propozuara parashikohet që deputeti i prekur nga Kovid-19, të mund të diskutojë dhe votojë nga shtëpia në formë elektronike. Ai duhet të ofrojë si dëshmi, vendimin për izolim. Masa nuk vlen për përfaqësuesit e Qeverisë gjatë mbrojtjes së propozim-ligjeve apo amendamenteve dhe as në pyetje deputetësh. Propozimi me procedurë të shpejtë do të diskutohet në Komisionin për Çështje të Rregullores, Mandatit dhe Imunitetit ku edhe do të shqyrtohen amendamentet e propozuara.

 

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending