Connect with us

Maqedoni

Gjashtë stacione matëse për cilësinë e ajrit nuk do të jenë në funksion para dhjetorit

Published

on

Këtë vjeshtë, gjashtë stacione matëse shtetërore nuk do të tregojnë nivelin e ndotjes së ajrit. Nga 17 stacione matëse të Ministrisë së Ambientit Jetësor, të dhëna për grimcat PM 10 dhe PM 2.5 nuk i tregojnë stacionet në Karposh 4, Miladinovcë, Manastir 1, Strumicë, Lazaropole dhe stacioni lëvizës që për momentin gjendet në Gjorçe Petrov. Këto stacione matëse nuk punojnë sepse janë të prishura ose të vjetër, kurse ai në Lazaropole po testohet. Ministria e Ambientit Jetësor për Alsat theksoi se prokurojnë sisteme të reja për të zëvendësuar ato të vjetrat, por ky proces nuk do të përfundojë para dhjetorit.

Ministria e Mjedisit Jetësor dhe Planifikimit Hapësinor

“Po prokurohen 7 instrumente të reja matëse për O3 (ozon), 7 instrumente të reja matëse për SO2 (dioksid squfuri), 7 instrumente të reja matëse për CO (monoksid karboni), 2 instrumente të reja automatike matëse për matjen e PM2.5 (grimcat të suspenduara me madhësia deri në 2.5 mikrometra), 2 mostra të reja sekuenciale me vëllim të ulët për matjen e PM10 dhe PM2.5, 7 pako të reja të sensorëve meteorologjikë për matjen e shpejtësisë dhe drejtimit të erës, presionit atmosferik, lagështisë, rrezatimit global, temperaturës së jashtme, si dhe një kullë për kalibrim të instrumenteve automatike të matjes për PM10 dhe PM2.5 “

PO PROKUROHEN

  • 7 INSTRUMENTE TË REJA MATËSE PËR O3
  • 7 INSTRUMENTE TË REJA MATËSE PËR SO2
  • 7 INSTRUMENTE TË REJA MATËSE PËR CO
  • 2 INSTRUMENTE TË REJA AUTOMATIKE MATËSE PËR MATJEN E PM2.5
  • 2 MOSTRA TË REJA SEKUENCIALE ME VËLLIM TË ULËT PËR MATJEN E PM10 DHE PM2.5

Ambientalistët thonë se qytetarët kanë të drejtë në çdo moment, pavarësisht nga stinët e vitit, ta dinë nivelin e ndotjes ndërsa shteti përgjegjësi të tillë ka edhe para Bashkimit Evropian. Sipas Elena Nikollovksës nga “Eko-vetëdija”, ndotja duhet të matet më shumë tek industritë e rënda.

 “Duhet që ky rrjet të zgjerohet, të kemi stacione matëse në të gjitha vendbanimet. Ata duhet të masin sa më shumë ndotës në ajër, në mënyrë që të mund të lokalizojmë me saktësi ndotjen e ajrit dhe t’i qasemi problemit, sepse matja është thelbësore për ta bërë këtë- deklaroi Elena Nikollovska, Eko – vetëdija.

Përveç që disa nga stacionet matëse janë në defekt, nga ato që janë në përdorim, jo të gjitha tregojnë grimcat PM 10 dhe PM 2.5 në ajër. Pajisjet që do të tregojnë këto të dhëna tek tani do të prokurohet përmes projektit IPA 2. Ndërsa për këtë tenderi do të shpallet deri në fund të vitit. Ministria e Mjedisit pret që nga mesi i vitit 2021 stacionet matëse shtetërore të tregojnë nivelin e ndotjes për grimcat PM 10 dhe PM 2.5 në ajër.

NDOTJA E AJRIT PËR GRIMCAT PM 2.5 NUK MATET NË

  • – Gazi Babë, Novo Lisiçe dhe Rektorat
  • – Gostivar, Kavadar, Kërçovë, Koçan, Lazaropole, Miladinovcë dhe Veles

Igor stefanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending