Edhe Mozzik ankohet për idenë e hyrjes me pagesë në Prishtinë: Të mjerët ne

Ka tash e sa ditë që ideja e propozuar nga kryetari i Prishtinës, Shpend Ahmeti, që të bëhet me pagesë hyrja në qendër të kryeqytetit, është bërë temë diskutabile.

Megjithëse ka pasur reagime të shumta, Komuna e Prishtinës ka propozuar që kjo ide po bëhet në të mirë të ambientit, për të shmangur trafikun e ngarkuar në Prishtinë.

Mes shumë reagimeve e ironi të ndryshme nga faqet satirike, një reagim interesant ka ardhur edhe nga reperi Mozzik.

Reperi ferizajas, emri i vërtetë i të cilit është Gramos Aliu, ka shkruar një status në rrjetin social Facebook, me ironi se nga ky vendim mund të pritet që të ketë edhe pako të leverdishme për qytetarët, me hyrjen me pagesë që po planifikohet.

“Paskan me bo 10 euro me pagu hyrjen kush vjen nga qytetet tjera në Prishtinë, interesant me siguri e bëjnë edhe ndonjë pako: Shembull : ”12 euro ” 10 euro hyrja edhe 2 euro, 5 ari tokë #MjertNa”, ka shkruar Mozzik në Facebook.

Kujtojmë që reperi 24-vjeçar ka qenë ndër emrat më të pëlqyer të hip-hopit këtë verë. /Telegrafi/