Ed Sheeran shpallet artisti më i dëgjuar në botë me 4.3 milionë dëgjime në radio – lë pas Dua Lipën dhe The Weeknd

Ed Sheeran është shpallur artisti më i dëgjuar në radio, duke mposhtur kështu këngëtaren shqiptare me famë botërore, Dua Lipën, teksa rrëmbeu vendin e parë në botë.

Krijuesi i hitit “Shape of You”, 30-vjeçar, krenohet për të arriturat, gjegjësisht 4.3 milionë dëgjime në vit në të gjithë globin, ndërkohë që ylli i “Levitating”, 26-vjeçe, merr vetëm 100 mijë më pak, 4.2 milionë.

Vendi i tretë i ka takuar artistit The Weeknd me tre milionë dëgjime, me Queen që ka zënë vendin e katërt me 2.9 milionë dhe Maroon 5 në vendin e pestë me 2.5 milionë, sipas Viberate.

Kompania e analizës muzikore gjithashtu raportoi se muzika ‘rock’ ka pasur një ringjallje, duke u renditur si zhanri i dytë më i madh me 79.9 milionë dëgjime.

Megjithatë, muzika pop mbetet më e popullarizuar, me 141 milionë pas analizës së 24 mijë stacioneve radiofonike në 150 vende.

Justin Bieber në anën tjetër dominon tregun me më shumë ndjekës në Spotify, deri në 13.5 milionë.

Dua Lipa (Foto: Instagram)

Pavarësisht shifrave mahnitëse, Olivia Rodrigo e ka mposhtur atë si artistja më e dëgjuar nga 4.6 milionë, me 5.1 miliardë.

The Weeknd (Foto: Instagram)

Ed u konfirmua së fundmi si interpretues në “Brit Awards 2022”, që pritet të mbahet më 8 shkurt.

Ceremonia vjetore e çmimeve muzikore rikthehet në The O2 Arena të Londrës. /Telegrafi/

Ed Sheeran (Foto: Getty Images)