Duka mesazh kombëtares: Misioni final përmbushet të mërkurën kundër Bjellorusisë

Shqipëria nuk ka të ndalur. Pas fitores në miqësoren ndaj Kosovës, kuqezinjtë kanë mposhtur edhe Kazakistanin.

Në “Air Albania Stadium” në Tiranë, Kombëtarja shqiptare ka qenë sonte nikoqire e Kazakistanit në Ligën e Kombeve.

Në kuadër të grupit C4, skuadra e Edi Rejës ka fituar me rezultat bindës ndaj kazakëve me rezultat 3:1.

Pas ndeshjes, presidenti i Federatës Shqiptare të Futbollit, Armand Duka është shprehur i lumtur me fitoren e sotme.

Në rrjetin social “Facebook”, Duka ka shkruar:

“Fitorja e sotme ndaj Kazakistanit, na gëzoi pa masë ne dhe të gjithë tifozët. Për më tepër e shoqëruar me lojë të mirë dhe dominim.
Por kujdes! Misioni final përmbushet duke fituar të mërkurën, kundër Bjellorusisë. Ndaj duhet përqendrim maksimal në këto “metra të fundit”. Go Albania!”.