Connect with us

Sport

Disa trajner krijojnë huti në Kosovë, nuk e thonë të vërtetën se në cilat liga luajnë! – Bota Sot

Published

on

Sot jemi në kohën e teknologjisë më të përsosur dhe gënjeshtra i ka këmbët e shkurtra siç thonë në popull! Kemi disa trajner që nuk e tregojnë të vërtetën se në cilat liga luajnë me ekipet e tyre në shtetet e ndryshme të Evropës dhe krijojnë huti në opinionin sportiv.

Ata trajnerë janë të paktë, numërohen në gishtërinj por do të ishte shumë më e ndershme të tregojnë të vërtetën: Luajë në ligën e pestë, të gjashtë, të shtatë apo edhe të dhjetë, edhe aty është garë sportive dhe e respektuar!

Ditëve të fundit mediat tona elektronike i kanë pushtuar shkrimet, intervistat, reportazhet për disa trajner që lirisht mund të i quajmë “trajner te facebook-ut” të cilët me lavde për vetveten po harrojnë në cilin rang te garave janë, dhe po krekosen se të gjithë janë menaxher te mirë.

Duke mos treguar se lojtarët elit të Kosovës që i kanë angazhuar në ligat më të ulëta evropiane.

Fatmirësisht Kosova ja trajner në ligat kombëtare evropiane, që janë fitues te kampionateve dhe kupave, por të cilët nuk vet reklamohen por punojnë dhe bëjnë karrierë që shkruhen ne historikun e këtyre shteteve.

Ka edhe asi lloj trajneri që mos suksesin e tyre e paraqesin si sukses duke u munduar ta shtrembërojnë historinë duke harruar se tani jetohet ne kohen e internetit dhe me një klikim del për shembull se një trajner e ka mundur vetëm Britaninë e Madhe, ndërsa Kosova në këtë lloj garave ka marrë pjese tri herë radhazi, e jo debutuese.

Alsat