Connect with us

Showbiz

Brenda stilit luksoz të jetesës së Lionel Messit në Barcelonë – rezidencë gjashtë milionë euroshe, hotel 28.7 milionë eurosh dhe një mori veturash luksoze

Published

on

I zhgënjyer nga jeta në Barcelonë, ditët e Lionel Messit në Camp Nou duket se janë të numëruara.

Futbollisti argjentinas, 33 vjeçar, dorëzoi një kërkesë për transferim dhe dëshiron të largohet nga gjigandët e La Liga, pasi kaloi gjithë karrierën e tij me katalanasit, shkruan The Sun.

Pavarësisht nga dështimi për të siguruar një transferim këtë verë, sulmuesi pritet ende të largohet verën e ardhshme për në Manchester City.

Por çfarë do të lërë pas Messi? Ja një paraqitje e shkurtër e jetës së tij të mahnitshme në Katalonjë.

SHTËPIA E TIJ

Shtëpia e tij ka një pamje nga deti dhe ndodhet në një zonë pa ndalim fluturimesh- blera e saj mendohet të jetë rreth 5.5 milionë funte në Barcelonë.

E vendosur në periferi të Castelldefels, është vendi i përsosur për të banuar gjashtë herë fituesi i Topit të Artë.

Dhe ai e bleu rezidencën private shumë pranë shtëpisë shokut të vjetër të ekipit, Ivan Rakitic.

Vetëm 12 kiloemtra larg Camp Nout, shtëpia e Messit ka një fushë të vogël futbolli, një pishinë, një palestër të brendshme dhe një shesh lojrash për tre fëmijët e tij.

Ekziston edhe pamja e pabesueshme e Detit Balearik për t’u zgjuar çdo ditë – nuk do ta gjeni atë në Mançester, Paris ose Londër.

HOTELI

Me turizmin që ishte një tregti e madhe në Barcelonë, Messi ka investuar paratë e tij me zgjuarsi.

Ashtu si rivali i tij i futbollit, Cristiano Ronaldo, ai është bërë një posedues i hotelit dhe bleu një hotel në vlerë 26 milionë funte në qytetin bregdetar të Sitges – rreth 26 kilometra larg qytetit.

Hoteli “MiM Sitges” me katër yje është vetëm 100 metra larg nga deti, ka 77 dhoma gjumi, duke përfshirë pesë suita junior dhe një suitë të madhe, dhe kushton rreth 105 funte për natë gjatë sezonit veror për të qëndruar në një dhomë standarde.

Në krye të kësaj, ndodhet ‘Sky Bar’ në tavanë që krenohet me pamje panoramike të qytetit dhe Detit Mesdhe, si dhe një pishinë.

Nëse jeni duke u çlodhur edhe më tej, ka një banjë të një niveli të lartë që përmban një sauna, banjë turke, një pishinë rekreative, një vaskë të ftohtë dhe një pishinë me ujë të kripur.

VETURA

Me një pasuri të raportuar prej 310 milionë funtesh, Messi ndoshta mund të kishte mundësi të dërgonte koleksionin e tij të veturave me vete kudo që të shkonte.

Ai posedon një ‘Pagani Zonda’ që thueht se vlen rreth 1.5 milionë funte.

Ai gjithashtu ka një ‘GranTurismo S’ që kushton rreth 100,000 funte dhe një ‘GranTurismo MC Stradale’ në garazhin e tij.

Messi është parë gjithashtu duke vozitur një ‘Ferrari F43 Spider’ me vlerë 173,000 funte.

Edhe pse me marrëveshjen e Barcelonës me gjigantin ‘Audi’ që përfundoi vitin e kaluar, nuk kishte më pagesa nga gjigandët gjermanë të veturave.

BAZA E TRAJNIMIT

Çdo ditë Messi i përditëson aftësitë e tij në ‘Ciutat Esportiva’ të artit, Joan Gamper.

Që nga viti 2009, Barcelona e ka bërë këtë terren të tyre stërvitor. Ai gjithashtu vepron si një pavion multi-sportiv për ekipet e tjera sportive në klub, duke përfshirë basketbollin, futsalin dhe hendbollin.

Pas trajnimit, Messi dhe Co mund të përdorin palestër, sauna dhe një pishinë me madhësi të plotë – të gjitha këto ndihmojnë në shërimin e tyre.

Duke kushtuar afërsisht rreth 65 milionë funte, ka edhe lagje banimi ku janë kufijtë e perspektivave të ardhshme të Barcelonës.

DASHURIA E JETËS SË TIJ

Barcelona ndan një vend të veçantë në zemrën e Messit dhe gruas së tij Antonella Roccuzzo.

Megjithëse ishin miq të fëmijërisë në Rosario, Argjentinë, dashuria e Messit dhe Roccuzzot lulëzoi në qytetin Spanjoll në vitin 2009.

Ata kanë jo vetëm një shtëpi dhe jetë të bukur, por edhe tre djem – Thiago, Mateo dhe Ciro, të gjithë të lindur në Spanjë.

Nuk ka dyshim që dyshja do të kthehen në Argjentinë.

Mbi të gjitha, ata organizuan martesën e tyre në atdheun e tyre në Rosario në një ceremoni të shkëlqyeshme ku morën pjesë legjendat e Barcelonës si: Xavi Hernandez, Carles Puyol dhe Samuel Eto’o. /Telegrafi/

Showbiz

Ylli i “Gilligan’s Island”, Dawn Wells ndërron jetë në moshën 82 vjeçare

Published

on

Dawn Wells, e cila luajti Mary Ann Summer, ka ndërruar jetë në moshën 82 vjeçare.

Ajo ka vdekur të mërkurën në mëngjes në Los Angeles nga COVID-19, sipas publicistit të saj.

Aktorja ka qenë e pranishme në “Gilligan’s Island” për tre sezone me radhë, nga 1964 deri në 1967.

Foto: NBC

Për rolin e Mary Ann, ajo mundi 350 aktore të tjera, përfshirë këtu Raquel Welch.

Wells ka qenë pjesë edhe e shumë filmave të tjerë si: “Silent But Deadly”, “Return to Boggy Creek”, “The Harlem Globetrotter”, “Super Sucker”, “American Christmas” etj.

Ylli amerikan po ashtu ka qenë e martuar me Larry Rosen nga 1962 deri në 1967. /Telegrafi/

Foto: Getty Images

Continue Reading

Showbiz

Nora Istrefi me biznes të ri

Published

on

Këngëtarja e njohur shqiptare, Nora Istrefi, ka korrur ndër vite suksese të mëdha në profesionin e saj.

Ajo përmes rrjeteve sociale ka bërë të ditur se ka hapur një biznes të ri, që është krejtësisht i ndryshëm nga ajo që ka bërë.

Krijuesja e hitit “Anna” ka njoftuar fansat për një studio të re për fotografi, duke qenë se ishte dëshirë e kamotshme.

Nora Istrefi (Foto: Instagram)

Ky është postimi i plotë i artistes Nora Istrefi (pa ndërhyrje):

“Duke mare per baze qe kam perfunduar fakultetin e dizajnit te modes ,gjithemone me mu ka flejt deshira per te bere edhe dicka ma shume se muzika !

Po e nisi kete vit te ri me nje bisnes te vogel qe lidhet ngushte me fushat e mia te jetes ,perkatesisht me fotografine!

Nisur nga vetja dhe Renee, e di qe cdo nene do deshironte nje set fotografik gjate shtatzanise, te foshjnes se posalindur, me foshjen por edhe me komplet familjen !

Jam munduar dhe po mundohem te krijoj skena te bukura me ekipen time, momente te paharushme per me te dashurit tone.. Shpresoj do ju pelqej dhe do gjeni imagjinaten tuaj ne setet tona dhe projektet ne vazhdimësi”. /Telegrafi/

Continue Reading

Showbiz

Vëllai i Dua Lipës feston ditëlindjen e 15-të, këngëtarja i bën një dedikim të veçantë

Published

on

Ditën e sotme (e mërkurë) feston ditëlindjen e 15-të vëllai i këngëtares Dua Lipa, Gjin Lipa.

Artistja shqiptare me këtë rast i ka bërë një dedikim të veçantë, ku ndërkohë ka zgjedhur edhe disa imazhe të tyre të përbashkëta të realizuara ndër vitesh.

25 vjeçarja në fotografitë që zgjodhi përfshihet edhe motra e Duas, Rina Lipa, e cila vite më parë ka bërë debutimin si fashioniste.

Foto: Instagram

“Urime ditëlindjen për vëllain tim të dashur, Gjin Lipa. 15! Ju jeni më qesharaku, më i miri, më i sjellëshmi e më i kujdesshmi dhe jam shumë krenare për ty. Të dua dhe jam shumë me fat të jem motra jote”, ka thënë ajo.

Urimet për të vëllain e Lipës nuk munguan as nga fansat që numëron në rrjete sociale, duke marrë parasysh që vetëm në Instagram ka mbi 57 milionë.

Dua ndërkaq këtë vit ka qenë mjaft aktive me projekte muzikore, madje në mes të pandemisë solli albumin e dytë “Future Nostalgia”.

Albumi u prit shumë mirë dhe thuajse të gjitha këngët janë shndërruar në hite e me miliona klikime në YouTube. /Telegrafi/

Continue Reading

Trending