Connect with us

Maqedoni

Autobusët duhet të punojnë me kapacitet të përgjysmuar, inspektorët paralajmërojnë kontrolle

Published

on


Kontrolli për respektimin e masave të reja në transportin publik në të gjithë territorin e kryeqytetit do të jetë në duart e rreth 20 inspektorëve. Krahasuar me numrin e autobusëve në qarkullim, numri i inspektorëve është shumë herë më i vogël. Kjo ngjall dilemë se sa do të arrijnë të njëjtit që në kohë të monitorojnë nëse nëpër autobusë plotësohet jo më shumë se gjysma e kapacitetit dhe nëse pasagjerët mbajnë maska dhe distancë.

  Praktikisht gjatë periudhës në vazhdim transporti publik do të jetë shënjestra jonë kryesore.  Para së gjithash duhet të vijë në shprehje ndërgjegjësimi i qytetarëve. Ne sikur të kemi edhe 100 inspektorë, përsëri do të jenë pak nëse vetëdija e qytetarëve nuk është në nivelin e duhur. Kontrollet do të jenë pa paralajmërim, njëkohësisht në disa vende.”-tha Goran Trajçevski, inspektor.

Trajçevski thotë se ndryshimet në Ligjin për mbrojtjen e popullsisë nga sëmundjet ngjitëse duhet të miratohen urgjentisht, pasi në këtë mënyrë inspektorët do të mund të sanksionojnë në vendngjarje.

Supozoj se kompetencat tona do të lejojnë që në rast se shohim se autobusi ka tejkaluar 50% të kapacitetit, ta ndalojmë të njëjtin dhe t’i zbresim një pjesë të udhëtarëve. Veçanërisht qytetarët që nuk kanë maska, menjëherë do të zbriten nga automjeti”-pohoi Goran Trajçevski, inspektor.

Nga Ndërmarrja për Qarkullim Publik thonë për Alsat se numri i autobusëve në qarkullim është i mjaftueshëm që të respektohen masat e reja, mirëpo këtë e vlerësojnë duke u bazuar në skenimin e biletave elektronike të udhëtarëve. Shoferët me të cilët kemi kontaktuar herë pas herë na kanë informuar se një pjesë e mirë e pasagjerëve udhëtojnë pa bileta.

Ndërmarrja për Qarkullim Publik:

“Pothuajse në të gjithë autobusët ka person përgjegjës që rregullon, hyrjen dhe daljen e pasagjerëve, përkatësisht që kujdeset që në automjet të jetë numri i duhur i pasagjerëve, ashtu siç parashikojnë masat”.

Megjithatë, nga udhëtimet tona me autobusët e qytetit deri tani i vetmi person jo pasagjer në autobus është shoferi. Sa i përket masës për mbajtjen e maskës mbrojtëse, nga Ministria e Punëve të Brendshme informuan se gjatë 24 orëve të fundit për shkelje të të njëjtës janë sanksionuar 899 qytetarë.

Evi Shkopi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending