Sara Hoxha surprizohet me një tjetër ‘Baby Shower’ në Gjermani

Ajo është kthyer në një nga emrat më të lakuar në faqet rozë dhe më të komentuar në showbizin shqiptar.

Fjala është për të dashurën e reperit Ledri Vula, Sara Hoxhën, e cila këtë vit ka qenë në shënjestër për shkak të marrëdhënies së saj me artistin shqiptar.

Megjithëse është në pritje të fëmijës së parë, asaj i është organizuar një tjetër ‘Baby Shower’ në Gjermani.

Bukuroshja, e cila organizoi një ‘Baby Shower’ në tetor me miqtë dhe familjen, kësaj radhe u befasua me një festë tjetër.

Ajo përmes rrjeteve sociale ndau disa pamje nga festa, në të cilën thotë se kjo u realizua nga disa mikesha të saj në Gjermani.

“Miqtë e mi në Gjermani më surprizuan me një Baby Shower të dytë, kështu që unë duhej të festoja sërish. Sa me fat që jam”, ka shkruar ajo.

Sara Hoxha (Foto: Instagram)

Ndërkaq, Sara dhe Ledri do bëhen së shpejti prindër për herë të parë. /Telegrafi/

Sara Hoxha (Foto: Instagram)

Sara Hoxha (Foto: Instagram)