Kanye West shihet me djalin Saint në ndeshje basketbolli pas pretendimeve se nuk po e lejojnë të takohet me fëmijët

Kanye West kaloi kohë cilësore me djalin e tij 6-vjeçar Saint të mërkurën (16 mars), pavarësisht pretendimeve që ish-gruaja e tij, Kim Kardashian, po e bën të vështirë për të që të takoi katër fëmijët e tyre.

Babë-bir u ulën në publik në ndeshjen e Boston Celtics kundër Golden State Warriors NBA në San Francisko.

Dyshja u panë me veshje të ngjashme për ngjarjen sportive, xhinse të errëta, çizme, bluzë sportive ngjyrë blu të errët dhe një xhaketë lëkure.

Pas lojës, babai i tij miliarder dhe ai realizuan një foto me lojtarin e Celtics Jaylen Brown.

Dalja e tyre vjen vetëm dy ditë pasi West, 44 vjeç, akuzoi Kardashian, 41 vjeç, për ndryshimin e orareve të fëmijëve të tyre “minutën e fundit”.

“Fëmijët e mi nuk u lejuan të shkonin në shërbimin e së dielës dje dhe ka shumë raste kur oraret u ndryshuan në minutën e fundit, gjë që më largoi mua si prind dhe është e paligjshme falë Zotit”, shkroi CEO i Yeezy në një postim tashmë të fshirë në Instagram të hënën (14 mars).

Foto: Getty Images

Megjithatë, Kardashian ka kundërshtuar pretendimet se ajo ka ndërhyrë disi negativisht në të drejtat e kujdestarisë së West, shkruan PageSix.

Themeluesja e “Skim komentoi në një postim të reperit të “Jesus Walks” të shpërndarë në të cilin ai pretendonte se sapo ishte “lejuar” të shihte vajzën e madhe North javën e kaluar.

Foto: Getty Images

“Ju lutem ndaloni me këtë tregim, ju ishit këtu këtë mëngjes dhe morë fëmijët për shkollë”, ishte komenti që Kim bëri në postimin e ish-burrit.

Në janar, West sulmoi përsëri Kardashian në mediat sociale, duke pretenduar se ai “nuk lejohej” të merrte pjesë në festën e ditëlindjes së katërt të vajzës së tij më të vogël, Chicago.

“Po, thjesht po i uroj vajzës sime për ditëlindjen publikisht. Nuk më lejuan të di se ku ishte ahengu i saj”, pohoi ai.

Foto: Kim Kardashian/Instagram

West pretendoi se ai “e thirri Kim-in, u dërgoi mesazh dadove”, por “askush nuk do të ia tregonte adresën e festës së ditëlindjes së vajzës dhe kjo do t’i ngulitej në mendjen e saj se ai nuk isha aty për të”.

Megjithatë, ikona e hip-hopit më në fund arriti në festën e Çikagos dhe u pa në foto madje duke ndihmuar vogëlushen të hapte një dhuratë.

Foto: Shutterstock

Në shkurt, West u pa përsëri duke kaluar kohë me dy nga fëmijët e tij – North dhe Saint – në Super Bowl në stadiumin SoFi të Los Angelesit.

Kujtojmë që Kardashian paraqiti kërkesën për divorc nga West në shkurt 2021. Ish-çifti kanë gjithashtu një djalë 2-vjeçar, Psalmin. /Telegrafi/