Sipas Beniadës, Fifi nuk duhej të ishte pjesë e shtëpisë së Big Brother VIP

Në javën e fundit të Big Brother VIP kanë mbetur katër finalistët, aktori Donald Veshaj, balerini Ilir Shaqiri, modelja Beniada Nishani dhe moderatorja Einxhel Shkira.

Këto dita ata i kanë kaluar me lojera dhe detyra të ndryshme të vendosura nga “Vëllai i Madh”, e njërin nga to banorët iu kanë përgjigjur pyetjeve të ndryshme.

Ishte Beniada ajo që u përgjigj në pyetjen se cilin nga banorët nuk do të donte të ishte pjesë e shtëpisë së famshme.

E njohur për pozitivitetin e saj dhe natyrën e qetë, modelja ka befasuar me përgjigjen duke thënë se është këngëtarja dhe ish-banorja, Fifi, të cilën ajo nuk do të donte që të ishte pjesë e BB VIP.

Kjo sipas saj sepse kishte vështirës në rrugëtimin e saj në shtëpinë e famshme për shkak të këngëtares dhe debateve të para në ditët e para me këngëtaren e cila ndërpreu eksperiencën e saj në BB VIP pasi tha se i duhej t’i përkushtohej shëndetit të saj.

Ndërkohë që gjatë qëndrimit në shtëpi Fifi dhe Beniada përveç disa debateve kishin edhe raporte të mira me njëra-tjetrën.

Ndryshe, kujtojmë që finalja e Big Brother VIP do të mbahet ditën e premte më 18 shkurt. /Telegrafi/