Aktorja e “B.A.P.S” dhe “Eve”, Natalie Desselle Reid vdes në moshën 53 vjeçare

Aktorja Natalie Desselle Reid ka ndërruar jetë në moshën 53 vjeçare.

Lajmet u konfirmuan të hënën nga menaxherja e saj, Dolores Robinson.

“Natalie Desselle, aktorja e talentuar ka vdekur këtë mëngjes. Natalie ishte një dritë e shëndritshme”, ka shkruar ajo. “Ajo ishte një aktore dhe komediane e mahnitshme por gjithashtu një nënë e grua e shkëlqyer. I shprehi ngushëllime familjes së saj. Ishte kënaqësi ta drejtoja karrierën e saj”.

Shkaku i vdekjes së saj akoma nuk është zbuluar.

Reid ishte e njohur për rolin e saj në “B.A.P.S” në vitin 1997, përkrah Halle Berry dhe Martin Landau.

Berry në një postim në Twitter deklaroi se është e tronditur dhe e thyer nga këto lajme.

Aktorja po ashtu ishte e njohur për rolin si Janie Egins në “Eve”.

E njëjta u shfaq edhe në “Madea”.

Foto: L.Cohen/WireImage

Sipas The Hollywood Reporter, artistja ka lënë pas bashkëshortin, Leonard, dhe fëmijët e saj, Sereno, Summer dhe Sasha. /Telegrafi/

Natalie Desselle the beautiful talented actress passed away this morning.
Natalie was a bright light. She was an amazing actress and comedienne but also an awesome mother & wife.
Sending prayers to her family.
I had the pleasure of managing her career.

— DoloresRobinson (@DoloresRobinson) December 7, 2020