VMRO-ja nuk shpalos planin “B” kundër marrëveshjes me Bullgarinë – Alsat

Edhe pas disa javëve protesta nëpër disa qytete të vendit, partia opozitare VMRO-DPMNE nuk tregon planin B dhe radikalizmin e mundshëm kundër marrëveshjes me Bullgarinë. Pavarësisht disa tentativave për të marr qëndrimin e partisë opozitare mbi zgjerimin e veprimeve të tyre kundër paktit të mundshëm Maqedoni e Veriut-Bullgari, nga VMRO-DPMNE zgjodhën heshtjen. Në pyetjet e televizioni nuk u përgjigj as lideri i kësaj partie Hristijan Mickoski. Ditë më parë, eksponentë të partisë së Mickoskit deklaruar se mocioni i mosbesimit është njëri ndër hapat e mundshëm, duke besuar se kryeministri Zaev nuk gëzon mbështetjen e partnerëve të koalicionit. Partia opozitare kishte paralajmëruar edhe interpelancë për kryeministrin, ministrin e jashtëm dhe atë për Eurointegrime, por deri tani nuk ka nismë konkrete në Kuvend. VMRO-ja konsideron se presioni i protestave po pamundëson marrëveshjen Zaev-Borisov.