Connect with us

Maqedoni

Viti i Ri, deri më 5 dhjetor do të përfundojë zbukurimi i Shkupit – Alsat

Published

on

Qyteti i Shkupit nga dita e djeshme ka nisur zbukurimin qytetit për festat e fundvitit. Është parashikuar që deri me 5 dhjetor të përfundojë zbukurimi i Sheshit Maqedonia dhe rrugëve kryesore në qytet.

Kreu i Qytetit të Shkupi, Petre Shilegov tha se edhe përkundër krizës me pandeminë Covid-19, autoritetet nuk do të anulojnë zbukurimin e qytetit, sepse në këtë mënyrë, siç tha ai do të kthehet buzëqeshja e qytetarëve, posaçërisht e fëmijëve, transmeton Alsat.

“Këtë vit fëmijët tanë janë privuar nga shumë gjëra, fëmijëria, viti shkollor, loja me miqtë, gëzimi. Mendoj se në këtë vit të vështirë dhe kohë të errët të cilën po e jetojmë, nuk duhet të heshtim në një moment të ndritshëm siç është Viti i Ri. Nuk kemi të drejt ta bëjmë këtë, nuk kemi të drejtë të marrim shpresën dhe gëzimin e qytetarëve dhe fëmijëve”, tha Shilegov.

Shilegov thotë se shteti nuk ka probleme me mungesën e burimeve materiale për kujdesin shëndetësor në mënyrë që financat të rialokohen, ashtu siç kërkon opozita, por ka mungesë të personelit mjekësor.

“Që nga shtatori, para fillimit të vitit shkollor, siguruam laptopë për të gjithë fëmijët nga shkollat ​​e mesme nën juridiksionin e Qytetit të Shkupit, të cilët nuk kishin mundësi të ndiqnin mësimet në internet. Janë siguruar të gjitha kushtet teknike në lidhje me internetin për të ndjekur mësimin. Kjo do të thotë që ne nuk kemi nevojë t’i rialokojmë paratë në kompjuterë për nxënësit”, shtoi Shilegov.

Këtë vit qyteti i Shkupit nuk do të organizojë manifestimin e Vitit të Ri “Winterland”, ose ndonjë organizim tjetër për Vitin e Ri. Tenderi për dekorimin e qytetit me rastin e Vitit të Ri do të kushtojë 200,000 euro.

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending