Connect with us

Maqedoni

Shënohet dita kundër trafikimit të qenieve njerëzore

Published

on


Viktimat e trafikimit me njerëz me origjinë nga vendi zakonisht janë shënjestër e të afërmve ose miqve. 56% e rasteve janë të mitur, fëmijë midis moshës 10 dhe 17 vjeçare. Të dhënat e tilla negative në Ditën Botërore Kundër Trafikimit me Qenie Njerëzore u publikuan nga organizatat joqeveritare. Sipas tyre, më të zakonshmet janë shfrytëzimi seksual, eksploatimi i fuqisë punëtore, martesat e detyruara dhe shtrirja e dorës … Në shënjestër janë viktimat që vijnë nga familje të rrezikshme ku ka të varur nga droga, alkooli ose familje të varfra. Të shpeshta janë ofertat e punës jashtë vendit, ndërsa pasqyra e vërtetë është skllavëria.

“… Një numër i madh i viktimave nuk janë zbuluar, dhe kjo do të thotë se nuk kanë arritur tek shërbimet e duhura për ndihmë dhe mbrojtje, dhe nga ana tjetër trafikantët – autorët e krimit nuk janë ndjekur penalisht- deklaroi Marija Todorovska, OJQ Porta e hapur.

Viktimat e trafikimit me qenie njerëzore për shkak të frikës, rrallë guxojnë ta denoncojnë këtë. Në ndërkohë, trafikimi mund të bëhet edhe përmes internetit.

“Prandaj, mendoj se edhe krahas prindërve që duhet të jenë vigjilentë se si fëmijët e tyre e përdorin internetin, rrjetet sociale, me jë komunikojnë dhe çfarë flasin, është gjithashtu e nevojshme të mendojmë në këtë drejtim për të ndërmarrë veprime për të parandaluar trafikimin me njerëz dhe përfshirjen e fëmijëve në trafikimin e qenieve njerëzore në internet- tha Stojna Atanasovska Dimishkovska- OJQ “Porta e Hapur (Otvorena Porta).

Brenda një viti, policia ka identifikuar katër vajza të mitura që ishin trafikuar për shfrytëzim seksual dhe lypje. OJQ-të paralajmërojnë se nuk mjafton vetëm një qendër pranimi për viktimat e trafikimit, ku strehohen edhe të rritur edhe fëmijë. Sipas tyre, shteti duhet të investojë më shumë në këta njerëz pas strehimit shtetëror, sepse nëse kthehen në të njëjtin mjedis, ata mund të bëhen përsëri viktima të së njëjtës dukuri.

Igor Stefanovski

 

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending