Connect with us

Business

Qeveria kërkon ndjekje penale për firmat që morën subvencione dhe nuk paguan punëtorët gjatë pandemisë – ALSAT-M

Published

on


Prokuroria Publike për Krim të Organizuar dhe Korrupsion i kontrollon punëdhënësit që abuzuan me ndihmat shtetërore dhe nuk ua dhanë pagat punëtorëve të tyre. Sekretariati i Përgjithshëm i Qeverisë kërkon përgjegjësi penale nga gjithsej 229 pronarë të këtyre kompanive. Çështja tashmë është shpërndarë te prokurori kompetent.

Prokuroria për Krim të Organizuar dhe Korrupsionin

“Pas analizës së pretendimeve për rastin në fjalë, prokurori publik do të vendosë për procedurën e mëtejshme dhe çfarë veprimesh do të ndërmarrë. Prokurorët publik, në përputhje me ligjin, mund të kërkojnë që të ndërmerren veprime të duhura nga institucionet e tjera, si dhe angazhimin e hetuesve nga ana e tyre.”

Lista e parë e kompanive që nuk kanë paguar ishte 708, por Qeveria vendosi t’u jepte atyre një afat për t’i paguar punëtorët, kështu që lista u përgjysmua në 229 kompani. Përgjegjësi penale do të kërkohet për pronarët dhe drejtorët e tyre. Paraprakisht, DAP njoftoi se rreth 3,750 ndërmarrje ulën pagën minimale për gati 53 mijë punëtorë dhe kanë paguar një total prej 1.5 milion euro më pak. Alsat u përpoq të merrte përgjigje nga DAP-i, Ministria e Punës dhe Inspektorati i Punës cili është numri i fundit i kompanive që kanë paguar pagë minimale më të ulët dhe nëse do të kenë një lloj përgjegjësie për këtë, por secili nga këto institucione përgjegjësinë e hidhte tek të tjerët.

Andre Çobanova

Alsat

Click to comment

Leave a Reply

Your email address will not be published. Required fields are marked *

Business

OPEC+ do të rrisë prodhimin e naftës pas muajit prillit

Published

on

Organizata e Vendeve Eksportuese të Naftës (OPEC) dhe aleatët e saj, të njohur si OPEC+, do të rrisin gradualisht prodhimin e naftës midis majit dhe korrikut, u citua zëvendëskryeministri rus Aleksandër Novak nga agjencia e lajmeve Interfax.

Ish-ministri i energjisë i referohet marrëveshjes së fundit të ministrave të OPEC+ sipas së cilës vendet kryesore prodhuese të naftës do të rrisin prodhimin e tyre pas prillit. Prodhimi i grupit do të rritet me 2,1 milionë fuçi në ditë deri në fund të korrikut, duke lehtësuar frenimin aktual të prodhimit prej 7,9 milionë fuçi në ditë.

Novak gjithashtu tha se Ministria e Energjisë e Rusisë është e gatshme të mbështesë kufijtë e eksportit në produktet e naftës në mënyrë që të forcojë tregun e brendshëm.

Alsat

Continue Reading

Business

Osmani prezantoi katër këshilltarët ekonomikë, do të vendosen në Varshavë, Mynih, Ankara dhe Abu Dabi

Published

on

Kreu i diplomacisë maqedonase, Bujar Osmani sot ka prezantuar pjesën e parë të pilot-projektit për këshilltarët e ardhshëm ekonomikë të Ministrisë së Punëve të Jashtme në Republikën e Maqedonisë së Veriut si dhe aktivitetet e planifikuara në lidhje me diplomacinë ekonomike, transmeton Alsat.

Illija Psalltirov në Varshavë, Abdylxhemil Saiti në Mynih, Suzana Tuneva në Ankara dhe Bekri Ajdini në Abu Dabi, këto janë katër këshilltarët e parë ekonomikë që dërgohen në ambasadat në këto katër destinacione e që do të duhet zbatojnë politikat ekonomike që do të përgatiten për secilin vend veçmas.

“Deri sa të nisin punën, që pritet të fillojë në gjysmën e dytë të vitit, këshilltarët ekonomikë do t’i nënshtrohen një trajnimi të gjerë teorik dhe praktik, të krijuar posaçërisht për këtë projekt, i cili bazohet në përvojat më të fundit të vendeve të zhvilluara. Fokusi i trajnimit do të jenë nevojat dhe specifikat e ekonomisë sonë, biznesit tonë, specifikave të produkteve dhe potencialeve të eksportit, specifikat e pozicionit tonë gjeo-strategjik në aspektin ekonomik dhe të biznesit, specifikat e burimeve tona, potencialet tona”, tha Osmani.

 

Alsat

Continue Reading

Business

Qeveria të subvencionojë eksportuesit, bilanci tregtar ende negativ

Published

on

Përkundër trendit rritës të nivelit të eksportit të mallrave vendore në tregjet evropiane, Kosova vazhdon të ketë ende bilanc tregtar negativ, si rrjedhojë e importit të lartë.

Në tre muajit e parë të këtij viti niveli eksporteve ka shënuar rritje prej 55 milionë euro, por megjithatë njohës të ekonomisë po konsiderojnë se ky trend ende është i ulët krahasuar me importin e madh që ka vendi.

Ish-ministri i Tregtisë dhe Industrisë Ismet Mulaj thekson për KosovaPress se është e vërtetë se ka një rritje të sasisë së produkteve të cilat eksportohen në tregjet ndërkombëtare, por prapë sipas tij është përqindje e ulët.

Njohësi i kësaj fushe, Mulaj ka kërkuar nga Qeveria e re mbështetjen e prodhuesve vendorë me anë të përmirësimit të politikave tregtare, duke subvencionuar kompanitë eksportuese.

Mulaj: Qeveria të subvencionojë kompanitë eksportuese

“Ende është rrit importi i produkteve shumë më shumë. Arsyeja më e madhe ka qenë arsyeja e konsumit më të madh. Por, është trend i mirë(rritja eksportit), trend të cilin ka qenë dashur të ndikojë shteti i Kosovës përmes politikave adekuate, të cilat do të mbështesnin në mënyrë direkte prodhuesin, i cili ka për synim eksportin. Ka plotë praktika të mira ndërkombëtare, por edhe rajonale ku shtetet, qeveritë e ndryshme përmes politikave të tyre lehtësuese subvencionuese ndihmojnë politikat eksportuese me qëllim që të përmirësohet bilanci tregtar i Kosovës. Ende jemi vendi më konsumues në Evropë dhe do të duhej një strategji ndoshta dhjetë vjeçare që mbështet prej të gjitha partive politike dhe për dhjetë vjet fuqia e shtetit orientohet në ato masa të cilat do të përmirësonin politikat tregtare të Kosovës”, thekson Mulaj.

Zëdhënësi i Doganës së Kosovës, Adriatik Stavileci thotë për KosovaPress se përkundër pandemisë Covid-19 niveli i eksporteve në tre mujorin e parë të këtij viti ka shënuar rritje prej 64 përqind, dhe siç thotë ai bilanci tregtar i Kosovës, pritet të jetë mbi 15 përqind mbulimi i importit me eksport.

Stavileci thotë se eksportet në vitin e kaluar kanë qenë 450 milionë euro, ndërsa presin që ky nivel sivjet të arrin deri në 700 milionë.

Stavileci: Përkundër pandemisë ka rritje të eksportit

“Në tre mujorin e parë të vitit 2020 kanë qenë 87 milionë euro mallra të eksportuara, derisa sivjet kjo shifër është arritur të jetë jashtëzakonisht e kënaqshme, kemi 142 milionë euro të cilat janë eksportuar, derisa rritja në vlerë është 55 milionë euro më shumë mallra të eksportuara në tre mujorin e këtij viti se në tre mujorin e vitit të kaluar… Përkundër pandemisë ne kemi parë që edhe vjet nëse e krahasojë eksportin e këtij viti me vitin e kaluar, është se viti i kaluar ka qenë një vit më i mirë i eksportit të produkteve kosovare. Derisa sivjet ky trend ende është duke u rrit nëse ne kemi 64 përqind më shumë mallra të eksportuara, ne presim që deri në fund të vitit të përmbyllet viti me 600-700 milionë euro mallra të eksportuara”, thekson ai.

Stavileci thotë se mallrat të cilat kanë arrit të gjejnë treg si në tregun Evropian, ashtu edhe drejt Shteteve të Bashkuara të Amerikës, janë produkte të industrisë ushqimore, të mobileve (përpunimit të drurit) dhe industrive metalike.

Edhe zëvendëskryeshefi i Agjencisë së Statistikave të Kosovës (ASK) Ilir Berisha thotë për KosovaPress se sa i përket treguesve makroekonomikë, eksportet gjatë vitit të kaluar kanë shënuar rritje 24 përqind, ndërsa importet kanë shënuar një rënie prej 5.7 përqind për shkak të pandemisë.

Berisha: Bilanci tregtar është përmirësuar për 9.4 përiqnd

“Eksportet janar – dhjetor 2020 në krahasim me 2019 kanë pasur një rritje prej 24 përqind, ndërsa te importet ka pasur një rënie prej 5.7 përqind dhe kur e publikojmë si informator makro ekonomik bilancin tregtar dhe gjithashtu përqindjen e evulimit më 2020 është rritë kjo përqindja e mbulimit të importit me eksport me 14 përqind edhe pse mbetet ende e ulët, ndërsa në vitin 2019 ishte 11 përqind. Bilanci tregtar është përmirësuar për 9.4 përqind në krahasim me 2019”, thotë Berisha.

Në anën tjetër, sipas Ismet Mulajt ngritja e cilësisë së produkteve është një proces ashtu siç është sigurimi i tregjeve, por dora e shtetit sipas të cilit në këtë drejtim do të ndihmonte edhe më shumë prodhuesin.

Mulaj: Qeveria duhet të përmirësojë ambientin e të bërit biznes

“Tregjet ndërkombëtare kanë ‘etje’ për produkte të reja, për produkte të cilat vijnë prej vendeve që janë në zhvillim, prej vendeve të varfra, për shkak edhe të kostos prodhuese. Por çfarë do të duhej shtetit të bëj? E para të përmirësojnë ambientin e të bërit biznes në Kosovë që prodhuesit në Kosovës të ndihen të stimuluar, të përkrahur, të mbështetur që prodhimet e tyre të jenë konkurruese në raport me prodhuesit në rajon dhe nga bota”, thotë ai.

Mulaj shton se Kosovës i nevojiten marrëveshje preferenciale sikur me SHBA-të dhe me BE-në, edhe me Turqinë e cila nuk është nënshkruar asnjë herë. 

Alsat

Continue Reading

Trending