Connect with us

Maqedoni

Politizimi i institucioneve të pavarura shkakton reagime të shumta – Alsat

Published

on

Institucionet dhe organet e pavarura rregullatore vazhdojnë të politizohen me emërimin e personave me të kaluar politike në krye të tyre. Rastet e fundit me propozimin e anëtarëve të rinj të Komisionit për mbrojtje nga diskriminimi, ai me Avokatin e popullit dhe ai me KSHZ-në ngjallën reagime në opinion. Rrjeti për mbrojtje nga diskriminimi bën thirrje që anëtarët e Komisionit për mbrojtje nga diskriminimi të votohen sa më shpejtë edhe pse një pjesë e atyre që janë propozuar hedhin hije mbi misionin e tyre.

Rrjeti për mbrojtje nga diskriminimi kërkon që Kuvendi urgjentisht ta votojë përbërjen e re të Komisionit për parandalimin dhe mbrojtjen nga diskriminimi. E përshëndesim mënyrën më transparente të zgjedhjes së anëtarëve dhe zgjedhjen e disa prej anëtarëve që kanë përvojë të pasur në këtë fushë, por përsëri, zgjedhja e një pjese të anëtarëve hedh hije në transparencën e procesit dhe pavarësinë e ardhshme të institucionit -thonë nga Rrjeti për mbrojtje nga diskriminimi.

Ndër kandidatët e propozuar për anëtarë të Komisionit për mbrojtje nga diskriminimi spikatën dy ish deputetët, njëra nga LSDM-ja dhe tjetri nga BDI-ja, Vesna Bendevska dhe Irfan Deari. Bendevska ka qenë deputete e LSDM-së për tre mandate nga viti 2006 deri në vitin 2014. Deari ka qenë qenë deputet i BDI-së nga viti 2011 deri në vitin 2014. Meqë ligji kushtëzon anëtarët të mos jenë persona partiak, ata kanë nënshkruar deklaratë se për momentin nuk janë anëtarë të asnjë partie politike. Për këtë arsye VMRO-DPMNE-ja lëshoi seancën plenare dhe anëtarët e rinj nuk u votuan si pasojë e mungesës së kuorumit.

Përbërja e propozuar e Komisionit kundër diskriminimit
• Igor Jadrovski, Komiteti i Helsinkit, jurist i diplomuar, 5 vjet mandat
• Neda Çallovska Dimovska, Komiteti i Helsinkit, jurist i diplomuar, 5 vjet mandat
• Limko Bejzaroski, politikolog dhe doktor i shkencave historike, 5 vjet mandat
• Irfan Deari, mejk amë, ish deputet, 5 vjet mandat
• Kire Vasilev, politikolog i diplomuar, 3 vjet mandat
• Ismail Kamberi, shkencat juridike, 3 vjet mandat
• Vesna Bendevska, psikologe, ish deputete, 3 vjet mandat

Rrjeti për mbrojtje nga diskriminimi thekson edhe mungesën e balancit gjinor në këtë organ të rëndësishëm antidiskriminues si dhe mos-emërimin e personave me aftësi të kufizuara edhe pse kanë aplikuar persona të kualifikuar.

OJQ-të edhe më herët kanë pasur kritika për përbërjen e Komisionit për mbrojtje nga diskriminimi. Në krye të tij më herët ishte Aleksandër Dashtevski, tani kryetar i sapozgjedhur i Komisionit Shtetëror të Zgjedhjeve. Dashtevski ka qenë i afërt me VMRO-DPMNE-në. Pikërisht për këtë, zgjedhja e tij në krye të institucionit për organizimin e zgjedhjeve u kritikua nga Qendra për liri “Civil”.

Votimi i Dashtevskit për kryetar të KSHZ-së nuk përfaqëson asgjë tjetër, vetëm se sinjal se proceset reformuese janë të destinuara të dështojnë – theksojnë nga Qendra për liri “Civil”.

Ndërkohë dy ditë më parë, Komisioni parlamentar propozoi Naser Ziberin për Avokat të ri të popullit. Edhe Ziberi është person i ngjyrosur politikisht pasi në fushatën e fundit zgjedhore të BDI-së ishte kandidat për kryeministër. Procedura parlamentare ishte cilësuar si jotransparente nga Rrjeti për mbrojtje nga diskriminimi.

Si për Avokatin e popullit, ashtu edhe për Komisionin për mbrojtje nga diskriminimi si dhe Komisionin Shtetëror të Zgjedhjeve, ligjet parashikojnë konkurs publik dhe zgjedhjen e personave kompetent dhe të pavarur, kjo edhe sipas rekomandimeve ndërkombëtare.

Fatlume Dervishi

 

 


Maqedoni

Padi penale për pronarin e lokalit në Dibër, shkeli masat anti Kovid – Alsat

Published

on

Padi penale ndaj pronarit të një objekti hotelierik në Dibër për shkak të dyshimit se ka kryer vepër penale “mosveprim sipas rregullave shëndetësore gjatë kohës së pandemisë”. Këtë e konfirmoi e dhe zëdhënësi i SPB-Oher, Stefan Dimoski, sipas të cilit policia në Dibër ka ngritur padi penale ndaj 52 vjeçarit I.C. nga Dibra.

“Gjatë kontrollit të kryer më 24 dhjetor të vitit 2020, zyrtarët policorë kanë konstatuar se personi në fjalë nuk i ka respektuar kufizimet për orarin e punës, ka punuar edhe pas orës 18:00, duke mos mbajtur llogari për masat dhe rekomandimet për mbrojtje të popullatës nga Kovid-19”, tha Dimoski.


Continue Reading

Maqedoni

Bërnabiq: Deri tani janë vaksinuar 50 mijë njerëz, po ndihmojmë edhe RMV-në – Alsat

Published

on

Kryeministrja e Serbisë, Ana Bërnabiq ka deklaruar sot se në Serbi deri më tani janë vaksinuar afro 50 mijë njerëz kundër Kovid-19. Ndërkohë që ka përmendur edhe marrëveshjen ëpr të ndihmuar Republikën e Maqedonisë së Veriut me 8 000 doza.

“Ne kemi një marrëveshje, kryeministri i Republikës së Maqedonisë së Veriut she presidenti i Serbisë, Aleksandar Vuçiq kanë biseduar. Vuçiq ka vendosur që t’ju ndihmojmë me 8 000 vaksina. Ndihmojmë që këto vaksina të regjistrohen në Republikën e Maqedonisë së Veriut. Punojmë në këtë drejtim. Problem mund të paraqitet sepse ata kanë porositur vaksinën “Phizer”, por nuk janë regjistruar. Nuk është puna që vetëm të vini dhe të blini vaksinën, por pas perdes ka edhe shumë gjëra të tjera. Regjistrimi nga ana e agjencive relevante, plani për vaksinim. Ne jemi një nga shtetet e rralla që ka një sistem adekuat për informim. Qytetarët tanë janë njoftuar se si të paraqitet për vaksinë, gjithçka është transparente”, ka deklaruar Bërnabiq.


Continue Reading

Maqedoni

Kërcënimet në autobusin e Shkupit, dy persona akuzohen për dhunë – Alsat

Published

on

Prokuroria Themelore Publike në Shkup ka ngritur një aktakuzë kundër dy dhunuesve për të cilët u shfaqën në jë video në rrjetet sociale në fillim të këtij muaji, ku shihej se si ngacmonin dhe kërcënonin udhëtarët në një autobus të qytetit. Sipas Prokurorisë Publike, dy djemtë, të moshës 31 vjeç, akuzohen për kryerjen e veprës penale “dhunë”, që dënohet sipas nenit 386 në Kodin Penal, transmeton Alsat.

Prokuroria përcaktoi se ngjarja kishte ndodhur më 5 nëntor të vitit të kaluar, rreth orës 17:30, në autobusin e NQP Shkup me numër 7. Sipas aktakuzës, ata kanë fyer rëndë dhe kanë rrezikuar sigurinë e shoferit të dëmtuar dhe pasagjerëve në autobus.

Nga hetimi i ngjarjes rezultoi se kishin hypur në autobus në stacionin e autobusëve në rrugën e njohur si “Rekord” dhe pasi nuk po mbanin maskë kanë shkaktuar reagime nga udhëtarët tjerë. Pastaj, siç mund të shihet në video, ata fillojnë të fyejnë dhe kërcënojnë pasagjerët me fjalët se do t’i vrasin dhe do t’i fusin në acid.

Shoferi, të cilit iu kërkua të ndalonte autobusin dhe të hapte derën për të dalë para stacionit të autobusit, ishte gjithashtu i ekspozuar ndaj kërcënimeve të tyre. Pasi ai nuk ndaloi autobusin, ata jo vetëm që e fyen dhe e kërcënuan por edhe goditën pjesë brenda autobusit. Prokuroria Publike beson se me këtë sjellje të pandehurit shkaktuan ndjenjë pasigurie, kërcënimi dhe frike tek shoferi i dëmtuar dhe udhëtarët e autobusit.


Continue Reading

Trending