Connect with us

Maqedoni

Pahor: Të mos shtyhet fillimi i negociatave, konferenca ndërqeveritare të mbahet sa më parë

Published

on


Me pretendimin se nuk duan të përçojnë asnjë mesazh politik, presidenti i Sllovenisë, Borut Pahor dhe nikoqiri, Stevo Pendarovski vendosën kurora lulesh pranë varrit të Goce Dellçevit. Ky gjest u bë gjatë vizitës “Jo të rastësishme” siç e cilësoi vetë presidenti slloven, në kohën kur pikërisht Goce Dellçevi është një nga çështjet më kontestuese mes Maqedonisë së Veriut dhe Bullgarisë.

Vizita te varri i Goce Dellçevit është pjesë e Protokollit që ka propozuar Maqedonia e Veriut dhe nuk kam asnjë dyshim ta bëjë këtë – u shpreh Borut Pahor, President i Sllovenisë.

Mos guxoni të mendoni se në këtë kontekst politik lidhur me negociatat me BE-në, qëllimisht e kemi vendosur Goce Dellçevin në agjendë! Vizita tek varri i tij është pjesë e protokollit shtetëror dekada me radhë kur vijnë krerë të shteteve të tjera në vizitë -u shpreh Stevo Pendarovski, President.

Pahor theksoi se konferenca e parë-ndërqeveritare mes Maqedonisë së Veriut dhe BE-së duhet të mbahet sa më parë, ndërsa shtyrja do ta vështirësonte gjetjen e kompromisit mes Shkupit e Sofjes.

E kuptoj se disa shtete fqinje kanë dyshime shtesë, pikërisht për këtë dua haptazi të them se tani është koha e vërtetë si për solidaritetin mes 27 shteteve anëtare ashtu edhe për diplomacinë, të bëjnë çmos që konferenca e parë ndërqeveritare të mbahet sa më parë, pa shtyrje. E di sa është e ndjeshme çështja, por si mik, ju them se kur bllokoni bëhet edhe më e vështirë gjetja e kompromisit – tha Borut Pahor, President i Sllovenisë.

Pendarovski ndërkohë është optimist se nuk do të ketë bllokadë nga Bullgaria.

Kemi qëllim këto ditë sërish ta hapim kanalin e komunikimit me miqtë tanë në Sofje, që u mbyll shkaku i zgjedhjeve dhe pandemisë, do të intensifikohet puna e komisionit të përbashkët të historianëve – theksoi Stevo Pendarovski, President.

Komisioni i përbashkët i ekspertëve ende nuk ka caktuar datën e takimit. Ndërsa Kryeministri, Zaev paralajmëroi takim me homologun bullgar, Borisov para 10 nëntorit.

Anesa Salihu

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending