Connect with us

Business

Padia e “IuteCredit” në Arbitrazh mund t’ia zbrazë kuletën shtetit për 30 milionë euro

Published

on

Kuleta e Shtetit mund t’i këtë 30 milionë euro më pak nëse Kosova humb rastin e radhës në Arbitrazh.

Kompania financiare “IuteCredit” e ka dërguar Republikën e Kosovës në Gjykatën Ndërkombëtare të Arbitrazhit, pasi Banka Qendrore (BQK) ia ka revokuar licencën në fillim të dhjetorit të vitit 2019-të.

Edhe Avokati i Përgjithshëm Shtetëror, Sami Istrefi vlerëson se shteti i Kosovës mund t’i humbë 30 milionë euro nëse këtë rast e fiton “IuteCredit” në Arbitrazh.

Por, për të mos ndodhur një gjë e tillë, Istrefi thotë se Ministria e Drejtësisë do ta angazhoi një firmë ligjore.

“Ata i kanë kërkuar 30 milionë, pasi mendojnë që janë të dëmtuar, por kjo është pjesë procedurale që të trajnohet më tutje. Ne si avokaturë e Shtetit qe një muaj e gjysmë përmes ministrit e kemi dorëzuar kërkesën në qeveri për marrjen e vendimit, por deri më tani nuk kemi ende ndonjë vendim nga qeveria dhe ende jemi në pritje të marrjes së një vendimi me çelim që t’i iniciojmë procedura e prokurimit për zgjedhjen e një firme ligjore që i mbron interesat e Kosovës”, tha Istrefi.

Megjithëkëtë, Istefi është i bindur që revokimi i lejes për “IuteCredit” ka qenë vendim i drejtë nga BQK-ja.

Sipas Istrefit, ky institucion mikrofinanciar i kishte dëmtuar qytetarët e vendit me norma të larta të interesit.

“Ne kemi pranuar një padi nga ana e paditësit Iutecredit përmes arbitrazhit ndërkombëtar dhe duke u bazuar në procedurat e rregullta ligjore dhe deri më tani i kemi kryer të gjitha procedurat ligjore duke i përfshijë termat e referencë dhe orarin e të gjitha korrespodentëve deri në përfundim të kësaj çështjen bazë shkresave dhe dokumentacionit që i kemi pranuar nga BQK-ja është një vendim bukur i drejtë për faktin sepse ajo bankë ka filluar t’i dëmtoj shumë klientët dhe ka vepruar në kundërshtim me rregulloret dhe ligjet për BQK”, shtoi Istrefi.

Ndërkohë në vitin 2019, bordi ekzekutiv i BQK-së ka marrë vendim për mbylljen e institucionit financiar jo bankar “Monego” dhe institucionit mikrofinanciar “Iute Credit”.

Këtë vendim e ka bërë të ditur guvernatori i BQK së, Fehmi Mehmeti.

“Sot Bordi i BQK së duke u bazuar në kompetenca ka vendosur që të revokojë regjistrimin dhe të iniciojë procedurat e likuidimit për institucionin mikrofinanciar “Iute Credit” dhe institucionin financiar jo bankar “Monego”. Gjatë këtyre viteve kanë devijuar nga planet e biznesit”, ka theksuar Mehmeti.

Mehmeti potencoi se në kohën kur këto dy institucione, “Monego” dhe “Iute Credit” kishin aplikuar për licencë në BQK, kishin dorëzuar një plan biznesi nga i cili këto vite ato kanë devijuar vazhdimisht.

Devijimi më shqetësues sipas Mehmetit është norma e lartë e interesit që këto institucione kanë aplikuar në kredi të cilat kanë qenë shumë më të larta nga ato që i kishin paraparë.

“Gjatë këtyre viteve të operimit të tyre në Kosovës këto institucione në vazhdimësi kanë devijuar nga këto plane të biznesit duke i sjell tregut diçka tjetër nga ajo që kishin premtuar. Devijimi më shqetësues ka të bëj me normën e interesit që këto institucione kanë aplikuar në kredi të cilat kanë rezultu të jenë shumëfish më të larta në krahasim me normat që këto institucione kishin paraparë në planin e tyre të biznesit, dhe me mesataren e normave të tjera të interesit në Kosovë”, pati thënë Mehmeti.

Alsat

Click to comment

Leave a Reply

Your email address will not be published. Required fields are marked *

Business

Gligorova: Qytetarët duhet të besojnë në të dhënat zyrtare të Bankës Popullore, e jo në spekulime

Published

on

Treguesit specifik dëshmojnë se sistemi bankar në vend është i qëndrueshëm, pohon në paraqitjen e saj të sotme, në emisionin “Magazina Ekonomike” në Alsat, Viktorija Gligorova nga Sektori i Mbikëqyrjes në BPRM. E pyetur për sqarim pas spekulimeve publike se e ardhmja e disa prej bankave në vend është vënë në pikëpyetje, Gligorova thotë:

Në emër të Bankës Popullore, ne apelojmë te qytetarët dhe kompanitë, që të besojnë në të dhënat zyrtare mbi funksionimin e sistemit bankar, që publikohen rregullisht nga Banka Popullore dhe të dhënat e bankave individuale, të cilat ata vetë i publikojnë mbi punën e tyre”, tha Gligorova.

Alsat

Continue Reading

Business

Paratë e Trustit, në kursime

Published

on

Mbi 198 milionë euro të tërhequra nga Fondi i Kursimeve Pensionale, nuk e kanë ndihmuar dukshëm ekonominë e vendit.

Në rritjen prej 11 për qind të depozitave në bankat e Kosovës gjatë 2020-ës, për 40 për qind besohet se ka ndikuar tërheqja e kursimeve të Trustit, të cilat janë deponuar në llogari private, por nuk janë shpenzuar menjëherë, thuhet në një raport të Institutit GAP nga Prishtina, të publikuar në mars të vitit 2021. Sipas këtij raporti, “një numër i madh i kontributpaguesve nuk kanë shpenzuar mjetet, por kanë kursyer”.

Pas miratimit të Ligjit për rimëkëmbjen ekonomike vitin e kaluar, qytetarët kanë pasur mundësi që të tërheqin 10 për qind të shumës së siguruar nga kursimet pensionale, që e kanë fituar gjatë kohës sa kanë punuar.

Miradija është një nga qytetarët e shumtë që ka tërhequr 10 për qind të kursimeve nga Trustit, të cilat ende nuk i ka shpenzuar.

“Le të më gjinden si rezervë, tashmë është pandemia e koronavirusit, ndonjë sëmundje apo shpenzim të papritur. Vlera e mjeteve nuk është e madhe, pasi unë herë pas herë kam punuar edhe pa kontratë”, tha Miradija.

Depozita, 4.3 miliardë euro

Rritja e vlerës së depozitave vërehet edhe në të dhënat zyrtare të Bankës Qendrore të Republikës së Kosovës. Kursimet e qytetarëve në bankat komerciale që operojnë në vend, në muajin nëntor të vitit të kaluar kanë qenë 4.1 miliardë euro, kurse në muajin dhjetor kjo vlerë ka arritur në mbi 4.3 miliardë euro, aq sa ishte edhe në muajin janar të këtij viti.

Mundësia për tërheqjen e 10 për qind të kursimeve pensionale, nga ish-kryeministri Avdullah Hoti, ishte bërë pas përkeqësimit të gjendjes financiare të familjeve dhe bizneseve, për shkak të pandemisë së shkaktuar nga koronavirusi. Me këto mjete vlerësohej se do të stimulohej kërkesa agregate.

Stimulimi i kërkesës agregate nënkupton rritjen e shpenzimeve që eventualisht do ta bënin qytetarët, pas marrjes së parave nga kontributet pensionale.

Kryetari i Odës së Afarizmit të Kosovës (OAK), Skënder Krasniqi, thotë se tërheqja e shumës se 10 për qind nga kursimet pensionale nuk ka ndikuar shumë në rritjen e kërkesës agregate, pasi sipas tij, njerëzit kanë hezituar të shpenzojnë paratë për shkak të situatës së panjohur me pandeminë.

“Rritja e depozitave është si rezultat i frikës për të investuar dhe frikës se çfarë do të ndodhë në të ardhmen, kështu që paratë kanë shkuar në llogaritë e kursimeve. Në këtë kuadër, qeveria duhet që të rrisë besimin te qytetarët dhe bizneset që të fillojnë të investojnë, duke i ofruar siguri më të madhe në investimet e tyre. Fatkeqësisht, deri tash një veprim i tillë nuk ka ndodhur”, tha Krasniqi.

Më 11 dhjetor, 2020, kishte filluar aplikimi online për tërheqjen e 10 përqindëshit të kursimeve nga Fondi i Kursimeve Pensionale, proces ky që ka zgjatur deri më 6 prill, 2021.

Mbi 198 milionë euro të tërhequra nga Trusti

Gjatë kësaj periudhe, vlera e tërhequr nga 10 për qind të kursimeve pensionale, ka arritur në rreth 198 milionë euro, nga 427.371 kontribuues, tha për Radion Evropa e Lirë, Jeton Demi, zëdhënës në Fondin e Kursimeve Pensionale të Kosovës.

Në bazë të ligjit, kontributpaguesit që kanë kursime deri në shumën 10 mijë euro, në rast të tërheqjes së 10 përqindëshit nga ana e tyre, Qeveria e Kosovës do t’i kompensojë ata brenda pesë vjetëve të ardhshme. Kurse, kontribuuesit që kanë më shumë se 10 mijë euro, nuk do të kompensohen.

Sipas të dhënave të Fondit të Kursimeve Pensionale, rreth 92 për qind e kontributpaguesve kanë mjete nën 10 mijë euro, kurse 8 për qind mbi 10 mijë euro.

Të gjithë të punësuarit në Kosovë paguajnë 10 për qind kontribute pensionale nga paga e tyre: 5 për qind të shumës së përgjithshme të pagës e paguan punëdhënësi nga buxheti i tij, kurse 5 për qind paguhet nga paga e punëtorit./REL

Alsat

Continue Reading

Business

Murati dhe zëvendësambasadori gjerman në Kosovë diskutojnë për Planin zhvillimor të Qeverisë Kurti

Published

on

Ministri i Financave, Punës dhe Transfereve Hekuran Murati ka pritur sot në takim zëvendësambasadorin e Republikës Federale të Gjermanisë në Kosovë Jan-Axel Voss, të shoqëruar edhe nga përfaqësuesit e Bankës Gjermane për Zhvillim (KfW) dhe Shoqërisë Gjermane për Bashkëpunim Ndërkombëtar (GIZ).

Me këtë rast është diskutuar për Planin zhvillimor të Qeverisë Kurti dhe për bashkëpunimin ndër institucional, me theks të veçantë për projektet e përbashkëta që ka Qeveria e Kosovës me Qeverinë gjermane përmes KfW-së dhe GIZ-it, thuhet në njoftim.

Gjatë takimit u theksua se objektivat e KFW-së dhe GIZ-it, janë të ngjashme me ato të Qeverisë së Republikës së Kosovës.

Andaj, Ministri Hekuran Murati dhe Zëvendësambasadorin Jan-Axel Voss, u dakorduan që të thellohet bashkëpunimi ndërmjet të Ministrisë së Financave, Punës dhe Transfereve, dhe Qeverisë gjermane përmes KfW-së dhe GIZ-it, për zhvillimin dhe zbatimin e projekteve të reja me qëllim të zhvillimit të Kosovës dhe përmirësimit të mirëqenies së qytetarëve të saj.

Alsat

Continue Reading

Trending