Një postim i Elon Musk rrit me 11% vlerën e Bitcoin

Sipërmarrësi amerikan Elon Musk, është shumë me ndikim në të gjithë botën. Prej kohësh ai është në luftë me Jeff Bezos se kush do të bëhet njeriu më i pasur në botë.

Por përveç se po shton pasurinë e tij ai ka mundur që me vetëm një postim në mediat sociale të rrisë vlerën e kriptovalutave.

Reuters shkruan se Musk ka bërë në mediat sociale një postim me vetëm një fjalë #bitcoin, dhe vlera e monedhës virtuale është rritur me 11%.

Pas këtij postimi Bitcoin u rrit me 11%, duke arritur vlerën më të lartën në 10 ditët e fundit. Ky shtim i vlerës nga analistët është komentuar si një ndikim i Elon Musk.

1 Bitcoin tashmë vlen rreth 37,000 Dollarë amerikan, një nga shifrat më të larta që ka arritur ndonjëherë./tvklan.al