Showbiz
Ndërron jetë aktori i “Mork & Mindy”, Conrad Janis
Conrad Janis, më i njohur për rolin e tij në “Mork & Mindy” ka vdekur në moshën 94-vjeçare.
Ai vdiq më 1 mars, tha menaxheri i tij i biznesit, Dean A. Avedon, për Fox News Digital. Aktori u dërgua në Qendrën Mjekësore Cedars-Sinai në Los Angeles, Kaliforni, më 28 shkurt dhe vdiq në spital, tha Avedon.
Janis ishte i rrethuar nga miqtë në momentin e vdekjes së tij.
Conrad Janis (Foto: Getty Images)
“Ai ishte shumë i dashur”, tha Avedon për Fox News Digital. “Ai ishte klienti im për mbi 35 vjet dhe u bë më pas një mik i ngushtë”, shtoi ai. “Ai do të na mungojë”.
Conrad lindi më 11 shkurt 1928. Prindërit e tij, Sidney dhe Harriet Janis, ishin koleksionistë të famshëm të artit që banonin në Manhattan.
I ndjeri e filloi karrierën e tij të aktrimit që në moshë të vogël dhe u shfaq në “Junior Miss” në moshën 13-vjeçare.
Conrad Janis (Foto: Getty Images)
Karriera e aktorit mori hov në vitet 1960. Ishte pjesë e shfaqjeve të tilla si “The Untouchables”, “Stoney Burke”, “Get Smart” dhe “My Favorite Martian”.
Në vitet 1970, Janis u shfaq në “Baretta”, “Happy Days” , “Police Story”, “The Jeffersons” dhe “Laverne & Shirley”.
Conrad Janis (Foto: Getty Images)
Roli i tij më i dukshëm erdhi në vitin 1978 kur luajti si Fred McConnell në “Mork & Mindy”. /Telegrafi/
