Connect with us

Maqedoni

Muzikantët kërkojnë rishikim e protokolleve për funksionim gjatë pandemisë

Published

on


Muzikantët kërkojnë revizion urgjent të protokolleve të miratuara për funksionimin e veprimtarisë së tyre. Kërkojnë takim me autoritetet dhe zbutjen e masave. Ata janë për protokolle të rrepta por thonë se në këtë mënyrë nuk mund të fitojnë të ardhura dhe ekzistenca e një numri të madh të muzikantëve në vend është në rrezik. Muzikantët thonë se nuk po kërkojnë lëmoshë, por vetëm mundësi për ta bërë punën e tyre.

Të gjithë e dini se në një kohë mundësia jonë për të vepruar u kufizua ose u ndalua, nëse mund ta them kështu, dhe ne kishim nevojë për sjelljen e protokolleve urgjente për shfaqje, por kjo ndodhi në mënyrë mjaft të ngathët”-tha Petar Mladenovski muzikant.

Shoqata e Muzikantëve “Muzikë tani” do t’i propozojë Qeverisë që të ndajë çdo vit buxhet të caktuar për organizimin e koncerteve në të gjithë vendin, por që ato të interpretohen nga interpretues vendas. Qëllimi është ta inkurajojë muzikën vendore, e jo shumicën e honorarëve t’i marrin muzikantët e huaj. Muzikantët besojnë se ata janë pak të përfaqësuar në televizione dhe radio në vend.

Shteti duhet ta bëjë një projekt të madh në të cilin bende dhe muzikantë të ndryshëm të Maqedonisë nga çdo degë e muzikës e çdo etnie, etj, përmes koncerteve me protokolle të kontrolluara rreptësishtë do të jenë në një nivel të arsyeshëm dhe jo mjegullor siç janë tani që të mund të fitojmë atë që na takon”-pohoi Sashe Ljjoles, muzikant.

Muzikantët gjithashtu njoftuan se synojnë të largohen nga zona gri dhe rregullisht të ndajnë nga honorari i tyre për pagimin e kontributeve të sigurimeve shëndetësore dhe pensionale. Ata thonë se nuk kërkojnë masa të njëhershme, por zgjidhjen e statusit të tyre dhe statusit të profesionit të tyre për një periudhë afatgjate.

 

Ile Petreski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending