Labinot Haxhiu ua kthen me ironi Ludo Lee dhe Labinot Rexhës, përdor të njëjtën këngë për kundërpërgjigje

Përplasjet me batuta mes ish-banorëve të Big Brother VIP Kosova 4 po vazhdojnë edhe pas përfundimit të spektaklit.

Këtë herë, në një shkëmbim thumbimesh janë përfshirë Labinot Haxhiu, Ludo dhe Labinot Rexha.

Shkak për këtë situatë u bë një video e publikuar në TikTok, ku Labinot Haxhiu shfaqej duke kërcyer së bashku me Klodian Mihajn, nën tingujt e këngës “Barbie Girl”.

Kjo ishte shoqëruar me mbishkrimin ironik “Si na sheh Ludo dhe Noti”, duke iu referuar diskutimeve të mëparshme mes tyre.

Videoja nuk kaloi pa reagime. Ludo komentoi me një batutë, duke i cilësuar dyshen si ‘çift të mrekullueshëm’ dhe duke u uruar jetë të gjatë e të lumtur bashkë.

Edhe Labinot Rexha iu bashkua, duke i quajtur ‘çiftin e vitit’ dhe duke thënë se do t’i emëronte ambasadorë martesorë.

Foto: Screenshot/TikTok

Por Labi duket se kishte përgatitur përgjigjen e tij.

Ai publikoi në Instagram një foto të Ludos dhe Labinot Rexhës gjatë trajtimeve estetike të fytyrës, duke i shoqëruar me të njëjtën këngë që ishte përdorur në videon e tij dhe të Klodit.

“Come on Barbie, let’s go party”, shkruhej mbi fotografitë, në një kundërpërgjigje që duket se u drejtohej drejtpërdrejt dy ish-banorëve. /Telegrafi/