Showbiz
Jennifer Lopez akuzohet se e kopjoi Beyoncen gjatë performancës në ‘AMA 2020’
Jennifer Lopez ‘e vodhi’ gjithë spektaklin në ceremoninë e sivjetme të American Music Awards që u zhvillua gjatë fundjavës në Los Angeles.
Diva e muzikës bëri një performancë të jashtëzakonshme që ngacmoi imagjinatën gjatë interpretimit të hitit të saj “Pa’ Ti + Lonely” në bashkëpunim me Maluman.
Ajo madje e ka ribërë skenën e nxehtë nga videoklipi i këtij projekti duke mos e lënë askënd indiferent.
Sidoqoftë nuk ka munguar edhe krahasimi i 51-vjeçares në dukje dhe interpretim me Beyonce Knowles.
(Foto: Twitter/AMA/Grammy)
Fansat e Beyonce kanë pohuar se që nga stili i flokëve, vallëzimi, karrigia dhe lëvizjet tjera, performanca e J.Lo ngjante shumë me atë që kishte bërë Beyonce në ceremoninë e ndarjes së çmimeve Grammy kur interpretoi “Drunk In Love”.
(Foto: Screenshot/Twitter/Peper Magazine)
Në rrjetet sociale menjëherë janë shpërndarë imazhet krahasuese të performancave të Lopez dhe Beyonce. /Telegrafi/
