Banka Popullore (BP) miratoi vendim për kufizimin e përkohshëm të pagimit të dividendëve, për aksionarët e bankave dhe kursimoreve. Nga Banka Qendrore thonë se kjo është mënyrë parandaluese të rritur qëndrueshmërinë e sistemit bankar, dhe për të ruajtur stabilitetin. Banka Popullore thekson se sistemi bankar ka ruajtur me sukses stabilitetin, me huat akoma në rritje dhe pozicionet e kapitalit të bankave janë të qëndrueshme. Por, ata besojnë se pasiguria nga kriza e koronës vazhdon ende. Ky vendim do të zgjasë deri në fund të vitit. Por, si edhe vitin e kaluar, disa nga bankat tregtare njoftuan pagesa të dividendës, do të thotë në të njëjtën ditë kur Banka Popullore merr vendim për të shtyrë pagesën tek aksionarët. Sidoqoftë, bankat e vendosën këtë njoftim për votim te aksionerët, që do të thotë se këshillat e tyre do të duhet ta marrin vendimin përfundimtar, duke marrë parasysh vendimin e Bankës Popullore.

Kompania Alkaloid përmbylli vitin 2020 me 210 vende të reja pune, dhe investime në vlerë prej mbi 1.5 miliardë denarësh. Në fund të vitit, Alkaloid punësoi 2,392 persona, nga të cilët 560 ishin jashtë vendit. Nga kompania thonë se ata kanë rritje në shitjet e produkteve prej 9 përqind, dhe fitimi i përgjithshëm ishte pak më shumë se 149 milion euro. Pjesa më e madhe e shitjeve janë realizuar në tregjet e huaja, 65 përqind, dhe 35 përqind në tregun vendor.

Alsat mëson se përfaqësuesit e industrisë për organizimin e dasmave dhe festave të tjera familjare, të hënën do të zhvillojnë një takim me zëvendës kryeministrin për Ekonomi Fatmir Bytyqi dhe Drejtorin e Inspektoratit të Tregut Stojko Paunovski. Në takim do të kërkohet zgjidhje se si të fillojnë të punojnë, sikurse dhe të tjerët në sektorin e gastronomisë. Sidoqoftë, fjala e fundit do të duhet të jepet nga Komisioni për Sëmundjet Infektive, i cili gjithashtu duhet të përgatisë protokollet e punës. Organizatorët e dasmave kanë protestuar disa herë në të gjithë vendin, duke kërkuar që shteti t’i lejojë ata të punojnë, ashtu si kafenetë dhe restorantet. Sektori i tyre është mbyllur plotësisht, që nga qershori i vitit të kaluar.