G4shi publikon statistikat e Spotify, krahason 2020 me vitin e kaluar: Në 2021 shkojmë për miliarda dëgjime

Ai është njëri nga artistët shqiptarë i cili viteve të fundit ka bërë bujë të madhe në tregun ndërkombëtar.

Fjala është për reperin me prejardhje nga Kosova, Labinot Gashi (G4shi), ndërsa mori vëmendje me hitet që ka sjell përgjatë kësaj kohe.

Duke qenë se jemi në fundvit, si shumë nga artistët e tjerë edhe G4shi ka ndarë me fansat statistikat e tij në Spotify.

I njëjti madje ka bërë një krahasim me vitin e kaluar, ku vërehet dukshëm se sivjet është dëgjuar shumëfish.

Në fotografitë që ka ndarë në Instagram, reperi tregon se në vitin 2019 kishte mbledhur 160.7 milionë dëgjime në 79 vende, teksa në vitin 2020 782.3 milionë dëgjime në 92 vende.

Puna e pandalshme dhe albumet që solli këtë vit duket se e kanë kthyer në një nga personazhet më të preferuar në treg.

“Faleminderit 2020/19…2021 të shkojmë për miliardë”, ka thënë ai.

Krahas G4shit, Dua Lipa dhe Bebe Rexha sivjet janë dy nga artistet shqiptare që kanë mbledhur miliarda dëgjime në Spotify. /Telegrafi/