Facebook dhe Instagram do të vazhdojnë të ofrojnë shërbime në Europë. Firma e tyre mëmë Meta nuk ka ndërmend të heqë dorë nga aktiviteti në vendet e Bashkimi Europian që gjeneron miliarda Dollarë.
Megjithatë, lajmet që qarkulluan mbi mundësinë e mbylljes së aktivitetit të rrjeteve më të dha sociale në Europë, nuk kanë qenë aspak të rreme. Vetë kompania Meta sqaroi përmes një deklarate për shtyp se drejtuesit e kishin diskutuar këtë si mundësi, pasi nuk pajtohen me rregullat e Bashkimit Europian për transferimin e të dhënave në Shtetet e Bashkuara të Amerikës.
Në Korrik të 2020-ës, Gjykata Europiane shfuqizoi marrëveshjes mes BE-së dhe SHBA-së për të dhënat në internet, që vendosnin rregullat për shkëmbimin e të dhënave mes dy kontinenteve.
Vendimi bën që dy rrjetet e mëdha sociale të humbin miliarda Dollarë nga reklamat, për të cilat pa një marrëveshje ligjore nuk mund të ofrohen në përputhje me të dhënat e përdoruesve, çka është edhe parimi bazë i këtyre shërbimeve në Facebook dhe Instagram.
Meta u bëri thirrje rregullatorëve amerikanë dhe europiane të gjejnë arrijnë sa më shpejt një marrëveshje.
Tv Klan
